Superağır çəkidə WBC çempionu Tayson Fürinin (33-0) atası Con Füri əmindi ki, WBA, IBF və WBO versiyaları üzrə çempion Aleksandr Usiklə mümkün döyüşün gəlirinin böyük hissəsi oğluna çatmalıdı:

“Taysonun böyük çempion olduğunu nəzərə alsaq, Usiklə döyüşün gəlirləri 60-ın 40-a nisbətində oğlumun xeyrinə olmalıdı. Ancaq başqa ssenari də var. 30 faiz sənin olsun, qələbə qazansan, daha 10 faiz götür. Enində-sonunda Aleksandr Usik kimdi ki? Coşua ukraynalı ilə döyüşə razılıq verməsəydi, onu kim tanıyacaqdı? O hətta “Mançester Arena”nı doldura bilməzdi. Tayson publikanın sevimlisidi, əvvəllər də nəhəng auditoriya toplayıb. Tayson A üzüdü. Usikin bəxti onda gətirib ki, Taysonla döyüş imkanı qazanıb. O, indi Taysonun daşımalı olduğu kəmərlərə sahibdi. Taysonun dolabında belə kəmərlərdən çoxdu. Enində-sonunda 30 faizini götür. Gəl döyüşü təşkil edək, Taysona qalib gəlsən, 40 faizini qazanarsan. Ancaq onsuz da Tayson qalib gələcək”.

Xatırladaq ki, birləşdirici döyüşün yazda keçirilməsi gözlənilir. Usik son döyüşdə Entoni Coşuaya, Füri isə Derek Çisoraya qalib gəlib.

Bu arada UFC versiyası üzrə yüngül çəkidə sabiq müvəqqəti çempion Toni Ferqyuson UFC rəhbəri Dana Uaytı “heyvan” adlandırıb və döyüşçülərlə münasibətlərinə görə tənqid edib: “Kollektiv iddia qaldırmaq lazımdı ki, belə toxunulmaz adamlar qanunun gücünü hiss etsinlər. Bu heyvan publika önündə xanımı ilə belə davranırsa, necə düşünürsüz, döyüşçülərinə hansı münasibəti bəsləyir?”