Şahin Diniyev Mirabdullanı meydana buraxmağa məcbur olub - AÇIQLAMA
Misli premyer-liqasının 24-cü turunda "Səbail" - "Qəbələ" oyununun startına az qalmış start heyətində yer alan Franko Mazurek sıradan çıxdı. Onun yerinə Mirabdulla Abbasov meydana çıxdı.
"Football-plus.az" olaraq, bu gözlənilməzliyin səbəbini "dənizçilər"in baş məşqçisi Şahin Diniyevdən soruşduq:
"Oyunun startı ərəfəsində, son isinmə hərəkətlərini edərkən Mazurekin ayağı burxuldu. Ona görə məcburən onu Mirabdulla ilə əvəzlədik. Həkimlər ilk yardımı göstərdilər. MRT müayinəsindən sonra zədəsinin ciddi olub-olmadığı daha dəqiq bilinəcək".
Digər xəbərlər
