Dekabrın 30-da AFFA-nın təsis olunmasının 30 illiyi, 31 Dekabr - Dünya Azərbaycanlılarının Həmrəyliyi Günü və Yeni il münasibətilə tədbir keçirilib.

Tədbirdə AFFA-nın prezidenti Rövnəq Abdullayev, gənclər və idman nazirinin müavini Mariana Vasilyeva, Milli Olimpiya Komitəsinin vitse-prezidenti Çingiz Hüseynzadə, AFFA-nın kollektivi, birbaşa və dolayı üzvlərinin təmsilçiləri, futbol ictimaiyyətinin nümayəndələri iştirak edib. Jurnalistlər isə dəvət olunmayıb.

Maraqlıdı, tədbir hansı məkanda baş tutub? Nəyə görə dar çərçivədə, medianın iştirakı olmadan keçirilib? Bu sualla AFFA-nın Mətbuat və İctimaiyyətlə Əlaqələr Departamentinin rəhbəri Firuz Abdulla ilə əlaqə saxladıq. Onun "Football-plus.az" saytına açıqlaması belə oldu:

"Tədbir "Fairmont" otelində keçirilib. Təkcə AFFA-nın 30 illiyi ilə bağlı deyildi. AFFA-da hər ilin sonunda Yeni illə bağlı qeyri-rəsmi tədbir keçirilir. Budəfəki də həmin tədbirin növbətisi idi, sadəcə, 30 illik də qeyd olundu. Əlavə olaraq nazirlik tərəfindən təltif olunan əməkdaşlara müvafiq vəsiqələr təqdim edildi. Yəni ənənəvi daxili bayram tədbiri idi. Belə tədbirlərə isə heç vaxt media dəvət olunmur".

ŞAİR ABDULLA