"Səudiyyə Ərəbistanının "Əl Nəsr" klubuna keçən Kriştiano Ronaldo mövsümün sonunda İngiltərəyə qayıda bilər.

"Football-plus.az" xəbər verir ki, portuqaliyalı hücumçunun müqaviləsində "Nyukasl"ın Çempionlar Liqasına vəsiqə qazanacağı halda, yeni sezonda bu kluba icarəyə gedə biləcəyi ilə bağlı bənd var. Bu barədə "Marca" nəşri məlumat yayıb.

Həm "Əl Nəsr", həm də "Nyukasl" Səudiyyə Ərəbistanının Dövlət İnvestisiya Fonduna məxsusdur.

"Nyukasl" Premyer Liqada 17 turdan sonra 34 xalla 3-cü sıradadı.