Mərakeş millisinin oyunçuları təqdirəlayiq qərar veriblər.

Football-plus.az xəbər verir ki, onlar DÇ-2022-də qazandıqları bütün pul mükafatını xeyriyyə məqsədi ilə xərcləyəcəklər.

Yayılan məlumata görə, milli futbolçular mükafatı öz ölkələrindəki yoxsul ailələrə yardım məqsədi ilə sərf etməyi lazım biliblər.

Qeyd edək ki, Mərakeş dünya çempionatları tarixində yarımfinala vəsiqə qazanan ilk Afrika komandası olub. Valid Reqraqinin başçılıq etdiyi yığma yarımfinalda Fransaya 0:2, 3-cü yer uğrunda oyunda isə Xorvatiyaya 1:2 hesabı ilə uduzub. Mərakeş millisi mundialdakı çıxışına görə təxminən 25 milyon dollar qazanıb.