AMADA-nın direktoru: “Bu problem ölkəmizdə aktualdı”
Bu gün Azərbaycan Milli Antidopinq Agentliyinin (AMADA) təşkilatçılığı ilə mətbuat konfransı keçirilib.
“Football-plus.az” saytının məlumatına görə, qurumun direktoru Şəfəq Hüseynli təqdimat xarakterli çıxış edib. Onun açıqladığı maraqlı faktları diqqətinizə çatdırırıq:
"Antidopinqlə bağlı çox geniş təbliğat aparılır. Yalnız bu il antidopinq və antinarkotiklə mübarizədə 60 maarifləndirmə seminarı təşkil etmişik. Bu tədbirlərin əksəriyyəti regionlarda baş tutub. Maarifləndirmə tədbirlərindən sonra monitorinq də önəmlidi. Turnirlərdən öncə idmançıların bu sahə ilə bağlı biliklərini də yoxlayırıq. Azərbaycanda son 5 ildə aşkar olunan qayda pozuntularının 43 faizi steroid, 13 faizi isə narkotik vasitələrlə bağlıdı. Bu problem ölkəmizdə aktualdı. Beynəlxalq araşdırmalar göstərir ki, dünyada steroidlərdən istifadə edənlərin 25 faizi sonradan narkotik maddə istifadəçisinə çevrilir".
Qeyd edək ki, tədbirə dəvət olunan dövlət qurumlarının nümayəndələri də mövzu ilə detallı çıxışla yadda qaldı.
KƏNAN HƏSƏNOV
