"Əvvəlcə onu bildirim ki, "Sabah"la matçda belə hadisənin baş verməsini istəməzdim. Çünki müqavilə ilə bu kluba məxsusam, "Şamaxı"da icarə əsasında çıxış edirəm. Həmin epizoddan əvvəl də eyni hal baş vermişdi - küncdən zərbə zamanı məni itələmişdi. Lakin yıxılmamışdım. Mən heç yıxılmağı da düşünmürdüm. "Sabah"ın bütün klublara qarşı oyunlarını izləmişəm və onları dəstəkləyirəm. Amma Kristian Sebalyosun ikinci dəfə üzümdən vurması iki hala yol açacaqdı: ya yıxılaraq rəqibə qırmızı vərəqə aldıracaqdım, ya da onu vuracaqdım. Belə olanda ikimiz də oyundan kənarlaşdırılacaqdıq. Komandama görə birinci yolu seçdim və rəqib azlıqda qaldı. Oyunun ağır keçəcəyi bəlli idi, lakin üstünlüyümüzdən istifadə edib 1 xal qazanmağı bacardıq. Sebalyos məni 2-3 dəfə itələməyə çalışırdı. Ona ingilis dilində "sənin mənimlə problemin nədi?" dedim. O, sualı verdiyim anda üzümə zərbə endirdi və qırmızı vərəqə aldı. Onunla heç bir problemim yoxdu. Matçdan öncə də görüşmüşdük, söhbətləşmişdik. Görüşdən sonra onu görmədim. Heç bir dialoqumuz olmayıb".