"Ardıcıl 2 tur xal itkisinə məruz qalmağımıza üzülürük. Ötən turda səfərdə "Qəbələ-2" ilə matçda da uzatma dəqiqələrində buraxdığımız qolla qələbəni əldən verdik. Bu da futbolçularda müəyyən gərginlik yaratdı. MOİK-lə qarşılaşmada da Qəbələ səfərinin gərginlyinin təsirindən çıxa bilməmişdik. Oyuna pis başlamadıq. Artıq 2-ci hissədə hesabda 3:1 irəlidəydik, fərqi bir qədər də artıra bilərdik. Amma imkanları dəyərləndirə bilmədik. Rəqib əks-hücumlarla bizi məyus etdi və matçın sonlarına doğru qələbəni əldən verdik. Artıq rəqiblərimiz də bizə qarşı fərqli motivasiya ilə çıxış edir. Onlar bizimlə hər oyundan sonra sanki savaşdan çıxmış kimi olurlar. Bu da bizim işimizi daha da çəytinləşdirir. Çünki rəqiblər müdafiədə son dərəcə ehtiyatlı, əks-hücumda isə maksimum faydalı olur. Amma bizim məqsədimiz bəllidi. Birincilik uğurunda mübarizədə daim öndə olmaq istəyirik. MOİK-lə oyundan sonra səhvlərimizi bir daha təhlil edərək növbəti qarşılaşmalarda qələbələr əldə etməyi düşünürük. Hələ çempionatın bir neçə pərdəsi var. Yəni, heç nə itirməmişik. Əsas mübarizə və onun sonundakı zəfər qarşıdadı".