Danimarka yığması FİFA-nın qadağası ilə üzləşib.

Football-plus.az xəbər verir ki, milli komandanın üzvlərinin üzərində “Human Rights for All” (“İnsaq hüquqları hamı üçündü”) cümləsi yazılan formanı geyməsinə icazə verilməyib.

Bu məlumatı Danimarka Futbol İttifaqının (DFİ) prezidenti Yakob Yensen yayıb. Funksionerin bildirdiyinə görə, FİFA qərarını onunla əsaslandırıb ki, futbolda siyasi yazılar və şüarlar qadağan olunur. Ali futbol qurumu DFİ-nin bununla bağlı müraciətinə rədd cavab verib. Məlumata görə, bir il əvvəl sponsorlardan biri milli formada insan hüquqları ilə bağlı sözləri yazmaq üçün boş yer saxlamağı sifariş edib. Belə formaların yalnız məşq zamanı istifadəsi nəzərdə tutulub.

Qeyd edək ki, Danimarka Qətərdə insan hüquqlarının pozulması məsələsini fəal şəkildə gündəmə gətirən ölkələr sırasındadı. Bu ölkənin komandası mundialda Fransa, Tunis və Avstraliya ilə eyni qrupda oynayacaq.