Xviça Kvaratsxeliyanın başına iş gəlib. “Napoli”nin oyunçusunun avtomobili oğurlanıb.

Football-plus.az xəbər verir ki, İtaliya mənbələrinin məlumatına görə, hadisə cümə axşamından cüməyə keçən gecə baş verib. 21 yaşlı yarımmüdafiəçi həmin vaxt Neapoldakı evində yatmış vəziyyətdə olub. Qarətçilər əvvəlcə onun evinə daxil olaraq “Mini Cooper Countryman” markalı avtomobilin açarlarını götürüblər. Sonra isə maşını oğurlayıblar. Xviça hadisəyə görə polisə müraciət edib. Sonra isə A seriyasında “Atalanta” ilə oyunun hazırlığı üçün məşqə yollanıb.

Ancaq o, berqamolularla oyunu buraxacaq. Neapol klubunun mətbuat xidmətinin məlumatında gürcü futbolçunun vacib oyun üçün heyətə daxil edilmədiyi bildirilib. Buna səbəb kimi onun belində kəskin ağrıların olması göstərilib.