Bu gün Misli premyer-liqasının 13-cü turuna start verilib.

İlk oyun günündə bir qarşılaşma baş tutub - “Turan Tovuz” “Şamaxı”nı qəbul edib. “CBC Sport” oyunu canlı yayınlayıb.

Misli premyer-liqası

4 noyabr
2-ci dövrə, 13-cü tur
Turan Tovuz - Şamaxı 1:3
Runi Eva, 33 (p) - Kamran Quliyev, 17. Rauf Hüseynli, 42. Fuad Bayramov, 51.
“Turan Tovuz”un bu rəqiblə ev oyunlarının balansı: indiyə kimi qarşılaşmayıblar.
Cəzalı: yoxdu.
“Futbol+”in proqnozu: 60-30-10.
4 noyabr. Tovuz. Şəhər stadionu. Saat 15.00

“Boz qurdlar”ın işi olduqca yaxşı gedir. Ayxan Abbasovun rəhbərlik etdiyi komanda 12 tura 15 xal yığıb və “avrokubok zonası”na yaxınlaşıb. Bu səbəbdən də meydan sahiblərinin bu görüşdə qələbəyə köklənəcəyi şübhə doğurmur. “Şamaxı”da isə vəziyyət fərqlidi. Klub rəhbərliyi ancaq yerli futbolçularla yola davam etmək istədiyindən komanda nəticə qazana bilmir. 12 tur ərzində Vüqar Əsgərliylə Cavid Hüseynovun birgə rəhbərlik etdiyi kollektiv cəmi 4 xal əldə edib. Lakin “şirlər” bəzi hallarda süpriz edə bilir. 10-cu turda, “Qəbələ” ilə görüşdə qeydə alınan heç-heçə bunun sübutudu. Bütün bunlara baxmayaraq, “Turan Tovuz” aşkar favoritdi. Yeri gəlmişkən, oyunun biletləri dünən satışa çıxarılıb. Qiyməti 2 manat olan biletləri Tovuz şəhər stadionunun kassalarından almaq mümkündü.

1. Qarabağ 11 11 0 0 35-7 33
2. Sabah 12 10 1 1 28-10 31
3. Neftçi 12 8 1 3 24-12 25
4. Zirə 12 6 1 5 15-20 19
5. Qəbələ 12 5 2 5 16-13 17
6. Turan Tovuz 11 4 3 4 9-13 15
7. Səbail 12 2 4 6 11-17 10
8. Kəpəz 12 2 2 8 10-26 8
9. Şamaxı 12 0 4 8 5-20 4
10. Sumqayıt 12 0 4 8 2-17 4