Azərbaycan millisi üçün daha bir macəra başa çatmaq üzrədi.

Yığma sabah Qazaxıstanla qarşılaşacaq. Bununla da Millətlər Liqasının C liqasının 3-cü qrupunda mübarizəni yekunlaşdıracağıq. Bu qarşılaşma qazaxlar üçün önəmli deyil. Lakin milli komandamız mütləq qələbə qazanmalıdı. Qələbə nə üçün bu qədər önəmlidi? Bu yazıda qazaxları məğlub etməyimizin əhəmiyyətini diqqətinizə çatdıracağıq.

Azərbaycan futbolu tarixində ilk yaşana bilər

Oktyabrın 9-da Almaniyanın Frankfurt şəhərində AÇ-2024-ün püşkatma mərasimi təşkil olunacaq. Tədbir Bakı vaxtı ilə saat 14.00-da start götürəcək. Millətlər Liqasının görüşləri səbətlərin formalaşmasına şərait yaradır. 1-ci səbətdə 6 komanda yer alacaq. Almaniya Millətlər Liqası turnirində öz qrupunda lider olarsa, bu səbətdə 7 komanda qərarlaşacaq.
1-ci səbətdə 5-10-cu (11) sıradakı komandalar yer alacaq
2-ci səbətdə 11 (12) - 21-ci sıradakı komandalar yer alacaq.
3-cü səbətdə 22-31-ci sıradakı komandalar yer alacaq.
4-cü səbətdə, Rusiya iştirak edərsə (* o vaxta kimi UEFA qadağanı götürərsə - İ.S.), şimal qonşularımız və 33-41-ci sıradakı komandalar yer alacaq. Yox, diskvalifikasiya götürülməsə və AÇ-2024-ün seçmə mərhələsinə buraxılmasalar, o zaman 33-42-ci sıradakı komandalar yer alacaq.

5-ci səbətdə 42-51-ci sıradakı komandalar yer alacaq. Rusiyanın cəzası qalsa, 43-52-ci sıradakı komandalar yer alacaq.
6-cı səbətdə 52-55-ci sıradakı 4 komanda yer alacaq. Rusiyanın cəzası qalsa, 53-55-ci sıradakı komandalar yer alacaq.
Azərbaycan millisi 4-cü və ya 5-ci səbətdə yer alacaq. 4-cü səbətdə olmaq üçün yığmamız çıxış etdiyi C liqasının 3-cü qrupunda ilk iki pillədə qərarlaşmalı və ya ən pis halda 3-cü olanlar arasında ən yaxşı nəticəyə sahib olmalıdı. Rusiyanın diskvalifikasiya olması halında isə üçüncülər arasında ən yaxşı 2-ci olması da yetərli olacaq. Loru dildə izah etsək, qrupda 2-ci olmağımız vacibdi. Çünki bunu bacaracağımız təqdirdə müstəqillik tariximizdə ilk dəfə Avropa çempionatının seçmə mərhələsində 4-cü səbətdə yer alacağıq.

FIFA reytinqində mövqeyimiz dəyişəcək
Slovakiya üzərində qələbə yığmamızın FİFA reytinqinə də təsir edəcək. Belə ki, qələbə 6 pillə irəliləməyimizə səbəb olacaq. Son açıqlanan sıralamada 1127,16 əmsalla 129-cu pillədə yer almışdıq. Komandamızın səfərdə slovakları məğlub etməsinə görə hesabımıza 11,53 əmsal əlavə olunacaq. Bunun sayəsində 6 pillə irəliləyərək 123-cü sıraya yüksələcəyik. Artıq Zimbabve, Qambiya, Farer adaları, Toqo və Komor adaları kimi ölkələri qabaqlayacağımızı deyə bilərik. Maraq üçün qeyd edək ki, Slovakiya da məğlubiyyətə görə 11,53 əmsal itirərək 51-ci sıradan 53-ə düşəcək. Qazaxıstan üzərində qazanacağımız qələbə FIFA reytinqində daha 1 pillə irəliləməyimizə səbəb olacaq. Qələbə Azərbaycanın əmsalının 8,01 artıracaq. Bunun sayəsində ümumi göstəricimiz 1146,70 olacaq. Belə olan halda ölkəmiz 122-ci sıraya yüksələcək. Beləliklə, Qazaxıstan üzərində də qələbə qazanmağımız gələn ay üçün FİFA reytinqində 7 pillə irəliləməyimizi şərtləndirəcək.

Avropa çempionatında oynamaq şansı
Yarımsərlövhəyə bəlkə də gülürsüz. Amma bu həqiqətdi. Komandamız Qazaxıstana qalib gəlsə, bu turnirdə oynamaq şansı qazana bilər. Hazırda Millətlər Liqasının C liqasının qruplarında Türkiyə, Yunanıstan və Qazaxıstan liderliyi təmin edib. 4-cü komanda isə çox böyük ehtimalla Gürcüstan olacaq. Bunlardan hansısa biri və ya ikisi Avropa çempionatının seçmə mərhələsində ən azı qrup ikincisi olarsa, onda Azərbaycan onların əvəzinə ML-in pley-offunda iştirak edə bilər. Bu necə mümkündü? Hazırda yığmamızın hesabında 7 xal var. Qazaxıstanı məğlub etsək, 10 olacaq. Hazırda C liqasında qrup ikinciləri arasında 3-cü pillədə qərarlaşmışıq (Gürcüstan - Şimali Makedoniya oyununa görə vəziyyət dəyişə bilər). 4 komandanın hamısının qarşıda 1 oyunu var. Luksemburq 1-ci qrupda 8 xal toplayıb. “Cırtdan” növbəti turda Estoniya ilə qarşılaşacaq. 2-ci qrupda Kosovonun hesabında 6 xal var. Onlar son qarşılaşmada Cənubi Kipri qonaq edəcək. 3-cü qrupda Azərbaycan millisi 7 xal toplayıb. 4-cü qrupda isə Şimali Makedoniyanın hesabında 7 xal var. Onlar növbəti tur “doğma divarlar” arasında Bolqarıstanla münasibətləri aydınlaşdıracaq. Biz Qazaxıstanı məğlub etsək, burdakı komandalar isə büdrəsə, C liqasının beşincisi olacağıq. Belə olan təqdirdə Qazaxıstan, Türkiyə, Yunanıstan və Gürcüstandan hansısa biri AÇ-nin seçmə mərhələsində qrup ikinci olsa, Azərbaycan avtomatik Millətlər Liqasının pley-offunda həmin komandanı əvəzləyəcək. İstənilən halda Türkiyə və Yunanıstanın qrup ikincisi olmaq şansı var. Xallar bərabər olacağı təqdirdə komandaların əvvəlcə top fərqi, daha sonra isə vurduğu qollar nəzərə alınacaq.
Yekun olaraq qeyd edək ki, qazaxları məğlub etmək milli komandamıza hava-su kimi lazımdı. Bakıda qrupda uduzmayan rəqibə sərt sillə vurmaq Canni de Byazinin yetirmələrinin mənəvi borcudu.

İLKİN SULTANLI


Son xəbərlər

UEFA-dan maraqlı paylaşım: "Qarabağ" məğlubedilməzdi"

Elxan Məmmədov dünya çempionatında çalışan azərbaycanlılarla görüşdü

Yeni “Poz-Qazan” oyunları - “Tap, Qazan” və “Göz muncuğu” satışa çıxarıldı

Azərbaycan kubokunda 1/4 finala start verilir - YENİLƏNİR

"Neftçi" "Zirə" ilə oyunun hazırlığını yekunlaşdırdı

"Qəbələ"də iki itki

Emrelinin "Dinamo"ya qoşulacağı tarix bəlli oldu

FA Sautqeytlə bağlı qərarını verdi

Füzuli Məmmədov: “Bu, “Neftçi” üçün gözəl şansdı”

Azərbaycan Basketbol Liqasında 9-cu tura start verildi

De Paul Niderlandla matçı buraxacaq?

"Şamaxı" Rüstəm Əliyevlə yolları ayırıb? - ÖZÜ AÇIQLADI

Sənan Qurbanov: Dünya çempionatında 2 kollektivi xüsusi qeyd etmək olar"

Millinin 10 üzvü İspaniyaya qayıtmayıb

Erik ten Haq Ronaldonun “Mançester”dən ayrılması haqda danışdı

“Səbail”in hazırlıq planı bəlli oldu

"Səbail" rəhbərliyi Mahmud Qurbanova dəstək oldu: klubdan 2 video birdən

Qətərdə mundial bitməmiş stadion sökülür

Bernardo Silvadan Messiyə tərif

Kevin Lavın Lebron Ceyms sevgisi

Ruan Renato: “Qarabağ”la görüşlərdə gözəl nəticə əldə edəcəyimizə ümid edirəm”

Portuqaliyanın yeni qəhrəmanı: “Ronaldo, Levandovski və İbrahimoviç örnək aldığım insanlardı”

Federasiya üzvləri tarix yazan millinin üzvləri ilə görüşdü

“İmarət”in həbs olunan üzvü kimdi?

Azərbaycan "Qran-pri"sində yenilik

Yaponların ənənəsini davam etdirdilər

Millinin heyəti bəlli oldu

“Neftçi”nin nəticəsi - KÖŞƏ

"Sumqayıt" qış təlim-məşq toplanışını bu şəhərdə keçirəcək

Polşalı fanatlar qalib oldular

Millilərimizin rəqibləri bəlli oldu

Qərb derbisini bu hakim idarə edəcək

İsveç-Azərbaycan matçı bu stadionda keçiriləcək

Millinin Yunanıstanla oyununun vaxtı bəlli oldu

Mundial onlar üçün erkən sona çatdı

Premyer-liqa matçı qapıçının formasına görə 7 dəqiqə gec başlayıb

Çin mərhələsi ləğv olundu

Lebron Meciki arxada qoydu

“Səbail” Mirbağır İsayevlə bağlı qərarla razılaşmır

Canər “Fatih Karagümrük”dən “Beşiktaş”a görə ayrıldı?

"Qəbələ"nin kapitanı "Qarabağ"la oyunlardan danışdı: "Maksimum gücümüzü qoyaraq öz oyunumuzu sərgiləyəcəyik"

Əfsanələrin çalışdırıcısı dünyasını dəyişdi

Bütün xəbərlər