Dördqat MBA çempionu Şakil О'Nil vaxtilə komanda yoldaşı olan basketbolçulardan kimin ən pis olmasıyla bağlı suala maraqlı cavab verib:

“Dennis Rodman əla oyunçu olsa da, hər şeyi çətinləşdirirdi. Məsələn, siz kollektivin bütövlüyü üçün çalışırsız, kişiləri bir yerə yığmaq istəyirsiz, rəhbərlik isə bu adama istədiyini etməyə imkan yaradır. Biz oyuna bir saat qalmış arenada olmalıydıq, o isə 15 dəqiqə qalmış gəlir və düyü ilə toyuq yeyirdi. Məşqçilər oyunla bağlı təlimat verəndə duş qəbul etməyə yollanırdı. Soyuq duş. Sonra isə meydana çıxır və 15-20 ribaund edirdi”.

Şakil O'Nil olimpiya və dünya çempionudu, 1996-cı ildə MBA tarixinin ən yaxşı 50 oyunçusu arasına salınıb. Karyerasını bitirəndən sonra TNT idman telekanalında aparıcı və şərhçi kimi çalışır.