"İlk hissədə qocalar kimi oynadılar" - Regekampf
"Neftçi"nin baş məşqçisi Laurentsiu Regekampf Misli premyer-liqasının 6-cı turunda "Qəbələ" üzərində səfər qələbəsini şərh edib.
"Footbal-plus.az" xəbər verir ki, rumıniyalı mütəxəssis 2:1 hesabı ilə qalib gəldikləri matçdan sonra "CBC Sport"a açıqlamasında bunları deyib:"İlk hissədəki oyundan sonra futbolçularla söhbət etdik. Onların səviyyəsinə bələdəm. Amma ilk hissədə qocalar kimi oynadılar. Nə aqressiya, nə sürət var idi. İkinci hissəyə dəyişikliklərlə başladıq. İsmayıl Zülfüqarlını müdafiənin sağ cinahına buraxdıq. Ordan çox hücum gəlirdi. Mbodj isə aqressiv futbolçudu və müdafiədə bizə belə oyunçu lazım idi. İsmayıl qol ötürməsi etdi. Qələbəni qeyd etməli və növbəti oyuna hazırlaşmalıyıq".
Digər xəbərlər
