"Sevinirəm ki, o, mənim məşqçimdi" - Benzema
"Real"ın futbolçusu Kərim Benzema UEFA tərəfindən ötən mövsümün ən yaxşı futbolçusu seçilməklə bağlı danışıb.
"Football-plus.az" klubun saytına istinadən xəbər verir ki, o, komanda yoldaşlarına, məşqçisinə və klubun prezidentinə təşəkkür edib: "Təbii ki, oyunlarda bizə inanılmaz dəstək göstərən azarkeşlərimizə minnətdaram. Mənim üçün Çempionlar Liqasının ən yaxşı matçı PSJ-yə qarşı cavab oyunu idi. Azarkeşlərimiz özlərini fantastik şəkildə göstərərək, nəticə əldə etməyə kömək etdilər.
Ançelotti dünyanın ən yaxşı məşqçisidi, böyük peşəkardı. Mənə güvən verir. Sevinirəm ki, o, mənim məşqçimdi. Hazırda həqiqətən xoşbəxtəm. İlk dəfədi ki, bu mükafatı alıram, amma mənim üçün ən vacib olan komandamla kuboklar qazanmaqdı”.
Digər xəbərlər
