Vahid Həlilhociç artıq Mərakeş yığmasını çalışdırmır.

Yerli futbol federasiyası onunla əməkdaşlığa son qoyub. 69 yaşlı məşqçinin istefaya göndərilməsinə konkret nəyin səbəb olduğuna rəsmən aydınlıq gətirilməyib. Bosniya və hersoqovinalı mütəxəssis 2019-cu ildən başçılıq etdiyi milli komandanı bu il keçiriləcək dünya çemionatının final mərhələsinə çıxarmışdı.

Mərakeş yığmasının qrup mərhələsində Belçika, Xorvatiya və Kanada ilə mübarizə aparacağını da xatırladaq.