"Qarabağ" Misli premye-liqasının 1-ci turunda "Səbail"i 3:1 hesabı ilə məğlub edib.

Football-plus.az xəbər verir ki, matçdan sonra keçirilən mətbuat konfransında Ağdam təmsilçisinin baş məşqçisi Qurban Qurbanov qələbəni şərh etdikdən sonra jurnalistlərin suallarını cavablandırdı:

"Futbolçularımı təbrik edirəm. Həm sizin, həm bizim işimiz daha çox olacaq. Oyuna gəldikdə, çox vacib üç xalı qazandıq. Baxmayaraq ki, bir az narazılıq var idi. Rəqibi tam yaxından tanımırdıq, onların potensialını tam bilmirdik. Hər bir halda futbolçularım sona kimi çox əziyyət çəkdilər. İlk oyundan göründü ki, çempionat heç də asan olmayacaq. Bugünkü oyun göstərdi ki, bu çempionat ola bilər, keçən ilkindən daha maraqlı alınsın, çətin olsun. Futbolçularım hiss etdilər ki, hər oyuna ciddi yanaşmaq lazımdı. Mahmud Qurbanova, "Səbail"ə uğurlar arzulayıram. Daha məzmunlu oyun göstərəcəyik".

- Ötən ilki ilə indiki "Səbail" arasında dəyişikliklər hiss olundu?
- Birinci oyundan fikir bildirmək çətin olar. Mahmud Qurbanov ola bilər düşüncələrini tam çatdıra bilməyib komandaya.. Ötən mövsüm "Səbail"ə uduzmuşduq. Aftandil Hacıyev fərqli futbol oynadırdı. Bu il hiss olunur ki, daha iddialıdılar, transferləri daha çoxdu. Ola bilər ki, bu il iddialı olsunlar. Hansısa ümumi fikir bildirmək asan deyil.

- Futbolçularınızın zədələnəcəyindən sanki ehtiyarlanırdız..
- Ola bilər ki, ehtiyatlanırdım. Qoruyub-saxlamaq istəsəm, də alınmaz. Çünki futbolçu adi bir epizodda zədələnə bilər. Oyuncuların güclərini də bölüşdürdüm. Ona görə bəzi rotasiyalar etdik. Kimisə qoruyacağımdan narahat deyildim.

- "Ferentsvaroş"un futbolçusu Ender Botka Macarıstan mətbuatına açıqlamasında Tofiq Bəhramov adına Respublika Stadionundakı kabab tüstüsündən şikayətlənmişdi...
- Hava hamımız üçün eynidi. Əgər fikirləşirlərsə ki, isti havada biz yaxşı oynayırıq, onlar zəif oynayır, belə düşüncə yoxdu. İsti hava bizə daha çox təsir edir, nəinki kənardan gələnlərə. Kabab tüstüsünə gəldikdə, hamımız azərbaycanlıyıq, hər bir millətin, xalqın öz adət-ənənəsi var. Kababımız məşhurdu, milli yeməyimizdi, bütün avropalılar gələndə kababın dadını görürlər, ondan arzu edirlər. Etirazım filan yoxdu. Belə oyunlarda bizdə kabab iyi gəlirsə, Avropada içki iyi gəlir, sosiska iyi gəlir. Hər ölkənin öz adət-ənənəsi var. Əksinə belə şeylərə sevinirəm. Bizim kababımız haqda danışırlar. Kim o kababın dadına baxırsa, arzu edirsə, bir də Azərbaycana gəlmək istəyir. Tüstü 90 dəqiqə olmadı. Sevinirəm ki, bizim kabab haqda məlumatlanacaqlar ki, dad, ləzzət hardan gəlir?


- "Ferentasvaroş"un çempionat oyunu təxirə düşdü, "Qarabağ" isə oynadı. Bu haqda fikriniz necədi?
- Fərqli yanaşmaq olar. Bundan əvvəlki turda rəqib də oynamışdı. Onlar da 1-2 oyunçularını rotasiya etmişdilər. Bəzi futbolçularım var idi ki, çox az oynayırdılar. İdman formaları yaxşı olmalıdı. Futbolçularıma güvəndim ki, 5-6 gün bəs edər. Oyunçularımın formadan uzaq düşməməsi haqda düşündüm. Məşqdə 20 eyni səviyyədə futbolçu olanda, kefiyfiyyət daha çox olur. Qarşıda hansısa vacib oyunlardan sonra bəlkə biz də müraciət edə bilərik. Amma hazırda belə planımız yoxdu. İnanıram ki, 3-4 günü düzgün götür-qoy edib, futbolçuları daha yaxşı hazırlayacağıq.

- Yeni transferlər gözlənilir?
- Ehtimal var. Dayanmamışıq, baxırıq, danışıqlar gedir.

- Azarkeşlərin komandaya inamı daha da artıb, uğurun davamını istəyirlər. Siz nə düşünürsüz?
- Bu fikirlər məni sevindirir. Həmişə futbolu azarkeşlər üçün oynamışıq. İstəyirik ki, fanatlar stadiondan məyus getməsinlər. Yaxşı oyun görüb, yaxşı nəticəyə sevinirlər. İnanıb güvənirlərsə, mütləq çalışmalıyıq ki, daha yaxşı olaq, daha böyük işlər üçün çalışmalıyıq. Bizim də inamımız var, onları sevindirmək istəyirik. Çalışacağıq ki, səfərdə azarkeşlərin güvənini itirməyək. Yaxşı nəticə üçün sona kimi oynaycağıq.

- Sosial şəbəkələrdə biletin qiymətilə bağlı etirazlar var. Bununla bağlı fikriniz var?
- Bəlkə də mənə aid olmayan məsələdi. İnanın ki, etiraz olmayan sahə yoxdu. Ən başlıcası odu ki, pozitiv fikirlər daha çoxdu. Əlbəttə ki, bütün insanların yaşayış səviyyəsi eyni deyil, kiminsə gücü çatır, kiminsə çatmır. İnanmıram ki, hər hansı təsiri olsun. Futbol elə səviyyəyə çatıb ki, azarkeşsiz futbol futbola bənzəmir. Digər məsələyə gəlincə, klubun ayrıca qrupu var, bu işlə məşğuldular. Daim istəyərəm azarkeşlər stadionu doldursunlar. Mənim tərəfimdən nə kömək lazımdısa, onların yanındayam. Hər bir halda mənə aid olmayan məsələdi. Klubda bununla məşğul olanlar var.

- Avrokuboklarda "Qarabağ" stadionu doldurur, amma yerli çempionatda az tutumu olan arena dolmur. Sizcə, problem nədədi?
- Futbol elə oyundu ki, gərək sevdirməyi bacarasan. Avropa oyunlarında minimum nəticələrə görə futbolu sevdirə bilmişik. Amma ölkə çempionatına sanki inam azdı. Ona görə maraq az olur. Hansısa yolla ölkə çempionatını sevdirmək lazımdı. Çox vacibdi. Bilmirəm hansı formada etmək lazımdı. İstərdik ki, stadion dolu olsun. Amma əfsuslar olsun ki, vəziyyət belədi, heç nə edə bilmərik. Amma "Qarabağ" olaraq arxamızda çox böyük azarkeş kütləsi hiss edirik. Bəlkə də gələcəkdə azarkeşlər üçün maraqlı nəsə edərlər ki, onlar da gəlsinlər. Buna ümidliyik.

- Julio Romao haqda fikriz necədi? "Ferentsvaroş"la oyunda onu əsas heyətdə görə biləcəyik?
- Qarşıda bir neçə oyunumuz var. O, öz formasında deyil. Amma bu gün çox xoş təsir bağışladı, oyunundan razı qaldım. Baxmayaraq ki, neçə aylardı ilk dəfə 60-65 dəqiqə oynadı. Oyun intizamından çox xoşum gəldi. Ümumi futbol anlayışı məni qane etdi. Qarşıda bir neçə oyundan sonra daha yaxşı Romao görəcəyik. Səfərdəki oyunda start heyətində olmasına gəlincə, bəzi rotasiyalar etdik və vaxtımız var ki, fikirləşək. İndi deyə bilmərək ki, Macarıstanda start heyətində olacaq, ya yox.

Şair Abdulla

Son xəbərlər

Messidən azarkeşə gözəl hədiyyə

Çağlar Söyüncü hansı kluba keçəcək?

Son çempiondan darmadağın - YENİLƏNİB

Sənan Qurbanov: "Olduqca yanlış, qərəzli yanaşmadı”

Muslera ''Qalatasaray''da tarix yazmaqda davam edir

Yunis Hüseynov AFFA İcraiyyə Komitəsinin üzvü ilə razılaşmadı – AÇIQLAMA

“Borussiya” oyunçusuna qiymət qoydu

"Qarabağ"ın təsisçisinin dəyişməsi ilə bağlı yekun qərar

TFF qərarını dəyişdi

Dünya çempionatında iştirak edə bilməyəcək

“Valensiya”da yeni futbolçu

Benzema mükafat bolluğuna düşdü

Fiqu göyün 7-ci qatında futbol oynadı!

Vaqif Sadıqov: “Bəlkə De Byazi burda qalmaq istəmir, hardan bilirsiz?” - AÇIQLAMA

Fanatlar Türkiyə millisinin başında kimi görmək istəyir? - SORĞU

“Çelsi”nin oyunçusu məşqlərə başladı

Sabiq “Qalatasaray”lı BƏƏ-də oynayacaq

Mançester derbisini buraxacaqlar

FİFA təhqiqat aparır

“Fənərbaxça” daha bir oyunçu ilə yollarını ayırdı

Peşəkar boks = real ölüm ehtimalı

Karyeralarını başa vurdular

Premyer-liqada 2 milyard 526 milyon avroluq qazanc - SİYAHI

Dünya çempionatı üçün 208 milyard avroluq xərc

“Yığmanın “sükanı arxasında” yerli, gənc mütəxəssislər olmalıdı” - Aslan Kərimov

Skaloni ilə müqavilə yeniləndi

Superliqanın səviyyəsi Allini təəccübləndirib - AÇIQLAMA

"Qarabağ"la oyundan öncə "Olimpiakos"da daha bir ciddi itki

Kolumbiya da dünya çempionatında təmsil olunmaq istəyir

Qutyerresin hərəkətinin sirri 12 ildən sonra açıldı

Maqnussenə ən sürətli dövrə yox, xal lazımdı - MÜSAHİBƏ

Tolqay Arslan derbidə kimi favorit görür?

İFA-dan Ronaldoya gecikmiş ittiham

Emin Ağayev: “Tibbi komissiyadan keçirdilər, paltar və ayaqqabı ölçülərimi götürdülər” - MÜSAHİBƏ

Zubir: "Fransa klubuna qol vurmaq özəldi" - VİDEO

Simeoneyə etimad tükənməyib

"Hərbçilər" gəncəliləri məğlub etdi - VİDEO

22-ci "Səbail" - "Qəbələ" duelinə doğru

Mövsümün sonunda “İnter”dən gedəcək

Tahir Süleymanov almanları hakimlərimizə nümunə göstərdi

Türkiyə Avropada gənclərə ən az şans verən ölkədi!

Laviolett Oveçkini təriflədi

Misirdə Olimpiada keçiriləcək?

Doğma klubunun idman direktoru olacaq

"Yığmada baş məşqçi əcnəbi olacaqsa, mütləq iki yerli onun köməkçisi olmalıdı" - Ağasəlim Mircavadov

Bütün xəbərlər