"Sabah qələbə qazanmağa çalışacağıq" - "Aris"in kapitanı
Cənubi Kiprin “Aris” klubunun kapitanı Delmiro Konfrans Liqasının 2-ci təsnifat mərhələsində “Neftçi” ilə keçiriləcək cavab oyunu barədə danışıb.
Football-plus.az xəbər verir ki, 34 yaşlı müdafiəçi ilk matçda evdəki 2:0 hesablı qələbəyə baxmayaraq, bu matça da ciddi hazırlaşdıqlarını bildirib:
“Sabah bizim üçün çox çətin olacaq. Çünki “Neftçi” öz meydanında oynayacaq. Səfərdə çıxış etməyimizə baxmayaraq, sabahkı görüşdə də əsas məqsədimiz qələbə qazanmaq olacaq. Bunun üçün çalışacağıq. Özümüzü normal hiss edirik. Tam dolu stadionda da oynamaq lazımdı. Düzdü, bir az həyəcan var. Amma komandadakı ab-hava çox yaxşıdır. Biz sabahkı oyuna hazırıq. Birinci oyunun hesabının bizə üstünlük verdiyini düşünmürəm. Mənim üçün ilk görüşün nəticəsi 0:0-dı. Ona görə də sabah qələbə qazanmağa çalışacağıq”.
Digər xəbərlər
