Konfrans Liqasının 2-ci təsnifat mərhələsində “Neftçi” ilə qarşılaşacaq “Aris” daha bir itki ilə üzləşib.

Football-plus.az klubun rəsmi saytına istinadən xəbər verir ki, yeni transfer Karol Struski sıradan çıxıb.

“Dnepr”lə yoxlama görüşündə (4:2) zədələnən 21 yaşlı yarımmüdafiəçinin körpücük sümüyünün sındığı müəyyənləşib. Bu üzdən futbolçu əməliyyat olunub. Struskinin təxminən 3 ay yaşıl meydanlardan uzaq qalması gözlənilir. Bu da o deməkdi ki, gənc oyunçu “Neftçi” ilə hər iki qarşılaşmanı buraxacaq.

Qeyd edək ki, polşalı oyunçuya qədər limassolluların qabonlu hücumçusu Şavi Babiçka da zədələndiyi üçün “Neftçi” ilə görüşdə iştirak etməyəcəyi bildirilib.