"Aris"in forvardı "Neftçi" ilə oyunda iştirak etməyəcək
"Aris" Konfrans Liqasının 2-ci təsnifat mərhələsinində "Neftçi" ilə oyuna tam heyətlə çıxa bilməyəcək.
Football-plus.az xəbər verir ki, Limassol təmsilçisinin hücumçusu Şavi Babiçkanın zədədən əziyyət çəkir.
Həkimlər 22 yaşlı futbolçunun əməliyyata ehtiyacının olmadığını, lakin bərpa prosesinin uzun çəkəcəyini bildirib. Forvard “Neftçi” ilə matçda iştirakın riskli olacağını etiraf edib:
“Fərdi məşqləri bu yaxınlarda bərpa etdim. Əzələlərin gücləndirilməsi və fiziki durumun yaxşılaşdırılması üçün müalicəyə ehtiyac var idi. İyulun 21-dəki görüşdə iştirak etmək mənim üçün riskli olar. Hər şeyi mərhələli şəkildə etməliyəm. Çünki daha ağır zədə almaq riskim var”.
Qeyd edək ki, “Aris”lə “Neftçi” arasında ilk oyun iyulun 21-də Larnakadakı “AEK Arena”da keçiriləcək. Komandalar bir həftə sonra “Bakcell Arena”da cavab görüşündə üz-üzə gələcəklər.
