Aktual / Günün xəbəri
514
5.07.2022, 18:57
Nərgiz Qurbanova “Lex” – “Qarabağ” matçını izləyəcək? - AÇIQLAMA
Bu gün Çempionlar Liqasının 1-ci təsnifat mərhələsində "Qarabağ" səfərdə “Lex”lə qarşılaşacaq.
"Football-plus.az" xəbər verir ki, Ağdam təmsilçisi Poznan şəhərində mövsümün ilk rəsmi oynuna çıxacaq. Polşadakı qarşılaşmaya maraq olduqca böyükdü. Hələ ki 30 mindən çox biletin satıldığı bildirilir.
Görəsən, azərbaycanlıların görüşə marağı var? Xaricdəki soydaşlarımız "Qarabağ"a müraciət edib? Azərbaycanın Polşadakı səfirliyindən Ağdam təmsilçisinin oyununa gələn olacaq? Səfir Nərgiz Qurbanova matçı arenadan izləyəcək? Suallarımızı klubun mətbuat katibi Gündüz Abbaszadəyə ünvanladıq:
"Oyuna maraq kifayət qədərdi. Azərbaycanın Polşadakı səfirliyinin əməkdaşlarının stadiona gəlməsi gözlənilir. Bununla bağlı bizə müraciət ediblər. Səfirin də matçda iştirakı gözlənilir. Oyunu izləyəcək azarkeşlərin tam sayını deyə bilmərəm. Amma azərbaycanlıların marağı böyükdü. Polşanın başqa şəhərlərində, ətraf ölkələrdə - Almaniyada, Litvada yaşananlar kluba müraciət edib. Düzdü, onlar onlayn bilet alıblar. Amma çox adam müraciət edib. Saylarını isə dəqiq deyə bilmərəm. Fürsətdən istifadə edib hamısına təşəkkür edirəm".
İLKİN SULTANLI
