Müşahidə Şurasının sədri Zaur Axundov istefa verəndən sonra “Şamaxı”da bir müddət heç bir yenilik olmadı.

Komanda barədə nə rəsmi, nə də qeyri-rəsmi məlumat almaq, demək olar, mümkünsüz idi. Bir neçə gün öncə Cavid Hüseynovun “şirlər”ə baş məşqçi təyin olunması isə bəlkə də çempionat başa çatandan sonra klubla bağlı ilk yenilik oldu. Bundan əlavə, baş menecer Eldəniz Yusubov da vəzifəsindən istefa verdi. Onun sözləri ilə desək, yeni gələcək rəhbərlik daha çox özü ilə gətirəcəyi kadrlara yer verəcək.

Transferlərə gəlincə, komanda ilk baxışdan yarımcan görünür. Heyətin 60 faizindən çoxu ilə yollar ayrılsa da, əvəzində heç kim komandaya cəlb olumayıb. Prosesləri nəzarətdə saxladıqca, qeyri-rəsmi də olsa, məlumat əldə edə bilirik. Söhbət Amil Yunanovun “Şamaxı”da qalmasından gedir. Futbolçu daha əvvəl “Turan Tovuz”la danışıqlar aparmasına baxmayaraq, Cavid Hüseynovun bir zəngi ilə fikrini dəyişib. Şərtlərin daha uyğun olduğunu deyən Yunanov növbəti mövsüm də “münəccimlər”in heyətində çıxış edəcək.

“Şamaxı” istisna olmaqla bütün komandalar təlim-məşq toplanışına başlayıb. Etibarlı mənbədən əldə etdiyimiz bilgiyə əsasən, nəhayət, dünən hazırlığa start verilib. Komanda Cavid Hüseynovun rəhbərliyi altında Şamaxı şəhər stadionunda bir araya gəlib.

ŞAİR ABDULLA