Azərbaycan premyer-liqasında 2021/22 mövsümünün qalibi "Qarabağ"ın Çempionlar Liqasının 1-ci təsnifat mərhələsində bütün potensial rəqibləri müəyyənləşib.

"Football-plus.az" xəbər verir ki, Ağdam təmsilçisi "səpələnmişlər" komandalar arasında yer alacaq. "Köhlən atlar"ın mümkün rəqibləri “səpələnməmişlər"dən biri olacaq (Ermənistan klubu istisna olmaqla).

"Qarabağ"ın 1-ci təsnifat mərhələsində bütün potensial rəqibləri:

“Linfild” (Şimali İrlandiya), "Zrinski" (Bosniya və Herseqovina), “Şaxtyor” (Belarus), "Sutyeska" (Monteneqro), "Kİ Klaksvik" (Farer adaları), “Lex” (Polşa), “Hibernians” (Malta), "Tobol" (Qazaxıstan), "Şkupi" (Şimali Makedoniya), RFS (Latviya), "Dinamo" (Batumi, Gürcüstan), "Tirana" (Albaniya), "Balikani" (Kosovo), eləcə də "Levadiya" (Estoniya), "İnter" (Andorra), "Vikinqur" (İslandiya) və San Marino çempionunun iştirak edəcəyi ilk mərhələnin qalibi

Qeyd edək ki, 1-ci təsnifat mərhələsinin püşkatması 14 iyunda, 1-ci raundun oyunları 5/6 və 12/13 iyulda keçiriləcək.