“Qarabağ” 2021/22 mövsümündə ümumilikdə 100-cü qolunu vurub.

"Football-plus.az" xəbər verir ki, bu məlumatı PFL-in rəsmi saytı yayıb. Yubiley topuna Musa Qurbanlı imza atıb. O, premyer-liqanın 27-ci turunun “Səbail”lə səfər qarşılaşmasında (3:0) komandasının ikinci qolunun müəllifi olub.

Qurban Qurbanovun komandası 100-cü qolunu 45-ci matçda vurub. Qol sayını 101-ə çatdıran Ağdam klubu premyer-liqada 68, ölkə kubokunda 15, Konfrans Liqasında 18 dəfə fərqlənib.

“Qarabağ” həm də çempionatda bir mövsüm ərzində vurulan qol sayında 21-ci əsrin rekorduna imza atıb. Bunadək “Xəzər Lənkəran” 2004/05, “Qarabağ” 2013/14 və 2015/16 mövsümlərində 66 qol vurmuşdu. Ağdam klubu bu göstəricini iki top üstələyib.