“Barselona”nın yarımmüdafiə xəttini Karlos Solerlə gücləndirəcəyi haqda xəbər yayılıb, lakin...

Bu məlumatı “As” qəzeti yayıb. Populyar idman nəşri “Barselona”nın artıq “Valensiya” ilə razılığa gəldiyini xəbər verib. Məlumatda Kataloniya klubunun 25 yaşlı futbolçu üçün qarşı tərəfə 20 milyon avro ödəyəcəyi də qeyd edilib. Qeyd edək ki, “Valensiya”nın yetirməsi olan Soler cari mövsümdə bütün turnirlərdə iştirak etdiyi 34 matçda 12 qol vurub və 5 məhsuldar ötürmə verib. Onun “yarasalar”la müqaviləsi gələn ilin yayına qədərdi.

Ancaq bu da var ki, “Valensiya” oyunçusu ilə bağlı təkzib verib. Klubun rəsmi məlumatında Solerin mümkün keçidi ilə bağlı “Barselona” ilə razılıq əldə edilmədiyi və ümumiyyətlə, bu klubla danışıq aparılmadığı bildirilir.