“Araz Naxçıvan”ın və yığmanın əsas qolkiperi Rövşən Hüseynli bir aydan çoxdu Rusiyaya yollansa da, hələ də yeni anlaşdığı “Torpedo”nun heyətində debüt edə bilməyib.

Nijni Novqorod təmsilçisinin rəhbərliyi qapıçıya pley-off oyunlarına hazır olmasını tapşırsa da, bu günə kimi onun sabah parket üzərinə çıxıb-çıxmayacağı bəlli deyil.

Bu gün “ Footbal-plus.az” saytının redaksiyasına məsələ ilə bağlı yeni xəbər daxil olub. Ortaya hansısa “fors-major” hadisə çıxmasa, qolkiper pley-off matçlarında əsas heyətdə yer alacaq. Bunu Torpedo”nun prezidenti Nikolay Xodovun Hüseynliyə göndərdiyi mesajdan hiss etmək mümkündü.

Klub prezidenti “büro keçirildi, protokolu gözləyirik və sən oynaya biləcəksən. Söz veriblər ki, bu gün və ya sabah həll edəcəklər. Hazırlaş”.