Rövşən Hüseynli hamını maraqlandıran suala aydınlıq gətirdi - ÖZƏL AÇIQLAMA
“Araz Naxçıvan”ın və yığmanın əsas qolkiperi Rövşən Hüseynli bir aydan çoxdu Rusiyaya yollansa da, hələ də yeni anlaşdığı “Torpedo”nun heyətində debüt edə bilməyib.
Redaksiyamıza daxil olan məlumata görə, oyunçu sabah baş tutacaq pley-off oyununda çıxış edəcək. “Torpedo”nun prezidenti qapıçıya bununla bağlı mesaj da yazıb.
Daha dəqiq bilgi almaq üçün Rövşənlə danışmağı lazım bildik. Qolkiperin “Football-plus.az” saytına açıqlaması belə oldu: “Bir müddətdi oyunlara hazırlaşıram. Bu günə qədər tam məlumat yox idi. Amma sabah artıq pley-off oyunudu. Ona görə də düşündüm ki, açıqlama vermək lazımdı. Ötən gün prezidentə əlaqə saxladım. Bu gün son məşqimiz idi. Gözlənilən iclas baş tutdu. Məsələ artıq həll olunub. Adım bu gün sifariş ərizəsinə daxil olacaq. Sabahkı oyunda iştirak edə biləcəm”.
SƏNƏM FƏRHADOVA
Digər xəbərlər
