“Toronto” – “Boston” oyununu izləyənlər arasında sürpriz qonaqlar da var idi.

Söhbət martın 28-də Kosta-Rikanı məğlub etməklə Qətərdə keçiriləcək futbol üzrə dünya çempionatına vəsiqə qazanan Kanada yığmasının üzvlərindən gedir. Bildiyiniz kimi, Kanada yığması tarixində 2-ci dəfə mundiala qatılacaq. İlk dəfə 1986-cı ildə dünya çempionatında iştirak edən “ağcaqayın yarpaqları” SSRİ, Fransa və Macarıstanın olduğu qrupda sonuncu yeri tutmuşdu.

Dünənki “Dallas” – “Leykers” oyunu bu komandaların ulduzları Luka Donçiçlə Lebron Ceymsin dueli baxımından maraq doğururdu. Ancaq duel baş tutmadı. Çünki “gölməçəsevərlər” zədədən əziyyət çəkən liderinin xidmətindən məhrum idi. Onunla yanaşı, fevralın 16-dan bəri zədə üzündən oynamayan Entoni Devis də “Leykers”ə yardım edə bilmədi. Lebronla Entoninin yoxluğunda Lukanın parıltısı göz qamaşdırdı. 23 yaşlı sloveniyalı 34 xal topladı, 12 ribaund etdi, 12 məhsuldar ötürmə verdi və mösümdəki 10-cu tripl-dablını reallaşdırdı. Onun fəallığının məntiqi nəticəsi kimi “Dallas” inamlı qələbə qazandı - 128:110. Ümumiyyətlə, “Leykers” bir neçə göstərici üzrə MBA-nın cari mövsümünün ən pis komandasıdı. Məsələn, Kaliforniya klubu 110 və daha artıq xal topladığı oyunların 20-də uduzub. Bundan başqa, “Leykers” 3-cü çeyrəkdən sonra irəlidə olduğu oyunların 13-də uduzub ki, bu da cari mövsümün antirekordudu.

Komandanın baş məşqçisi Frenk Vogel “Dallas” önündəki məğlubiyyət belə reaksiya verib:

“Leykers” müntəzəm çempionatın sonuna qədər daha 7 oyun keçirməlidi. Hazırda Qərb konfransının turnir cədvəlinin 11-ci pilləsində qərarlaşan komanda ilk “10-luğ”a düşə bilməyəcəyi halda pley-off oyunlarından kənarda qalacaq. Xatırladaq ki, hər konfransın 6 ən yaxşı komandası pley-offa birbaşa vəsiqə qazanır. 7-10-cu yerlərdə qərarlaşanlar isə pley-in oyunları keçirir və bunların sonucunda hər konfransda daha iki pley-off iştirakçısı müəyyənləşir.

MBA ilə bağlı daha bir maraqlı xəbər odu ki, martın 28-də etibarən azarkeşlər bu liqada çıxış edən avropalə oyunçuların 1-ci və 2-ci rəmzi yığmasını müəyyənləşdirməyə başlayıb. Səsvermə bu linkdə həyata keçirilir: NBA.com/Eurovote. Siyahını Avropa KİV-i və məşhur basketbol adamları tərtib edib. Səsvermə aprelin 6-na qədər davam edəcək, 8-də isə nəticələr açıqlanacaq.

Nominantların adları: Yannis Adetokumbo (Yunanıstan), Boris Diao, Rudi Qober, Toni Parker (hamısı Fransa), Vlade Divats, Nikola Yokiç, Predraq Stoyakoviç (hamısı Serbiya), Luka Donçiç, Qoran Draqiç (hər ikisi Sloveniya), Mark Qazol, Pau Qazol (hər ikisi İspaniya), Toni Kukoç, Drajen Petroviç, Dino Raca (hamısı Xorvatiya), Şarunas Marçyulenis, Arvidas Sabonis (hər ikisi Litva), Dirk Novitski, Detlef Şrempf (hər ikisi Almaniya), Mehmet Okur, Hidayət Türkoğlu (hər ikisi Türkiyə).