“Sabah” 16 min bilet satıb, bəs “Qarabağ”?

Məlum olduğu kimi, ölkəmizi Çempionlar Liqasının pley-off mərhələsində təmsil edən “Sabah” və Konfrans Liqasının pley-off mərhələsində mübarizə aparan “Qarabağ” gələn həftə cavab görüşünə çıxacaq. “Sabah” ilk oyunda 1:2 uduzub, “Qarabağ” 1:0 hesabıyla qalib gəlib.

Hər iki komanda rəqibini Tofiq Bəhramov adına Respublika stadionunda qəbul edəcək. Təbii ki, indi azərbaycanlı azarkeşləri tribunalara cəlb etmək yolunda da qiyabi mübarizə gedir.

Bu komandaların oyunlara marağın hansı səviyyədə olduğunu öyrənmək üçün “iTicket.az”a müraciət etdik. “Sabah” dünən 15 min biletin satıldığını açıqlamışdı. Gün ərzində bilet alanların sayı bir qədər də artıb, 16 minə çatıb. “Qarabağ”ın “Tvente” ilə cavab oyunu üçün satılan biletlərin sayı isə 12 minə yaxındı.

Xatırladaq ki, “bayquşlar” cavab oyununa avqustun 25-də, “köhlən atlar” 27-də çıxacaq.

İSRAYIL XEYRULLAYEV