“Hesab edirəm ki, məğlubiyyətin bir neçə səbəbi var idi. Strategiya olaraq Avstraliya millisi 2-ci nömrə kimi oynayıb geriyə çəkiləcəkdi. Total dominantlıq göstərən Türkiyə müdafiənin arxasına atılan toplarda nə qədər bunun qarşısını alacaqdı? Qardaş ölkə 72/28-ə topa üstün olsa da, 0:2 uduzdu. Materik təmsilçisinin əks-hücumlara çıxmaq üçün kifayət qədər imkanı var idi. Sürətli hücumçulara malik rəqib “ay-ulduzlular” üçün böyük təhlükə yaradırdı. Türkiyə üçün də uyğun seçim total futbol yox, məhz müdafiə oyunu oynamaq olardı. Arda Gülər, Hakan Çalhanoğlu müdafiənin arxasına yetərincə təhlükəli paslar ata bilər. Hücum xəttində Barış Alpər, Kərəm Aktürkoğlu, Kənan Yıldız sürətli oyunçular olduğundan düşünürəm ki, bu strategiya Türkiyə üçün daha uyğun seçim olardı. Bu səbəbdən, Avstraliya birəbir məqamlarda qardaş ölkəyə imkan yaratmadı. Kənan Yıldızın 2-ci hissədəki epizodundan başqa düşünürəm ki, təhlükə yarada bilmədilər. Qol olmadıqca da Avstraliya əlavə motivasiya qazandı. Sonda rəqib topa 28 faiz sahib olmaqla “ay-ulduzlar”ı məğlub edə bildi”.