Cari Millətlər Liqasını heç də pis keçirməyən qardaş Türkiyə yığması növbəti dəfə fanatlarını sevindirdi.

“Ay-ulduzlular” Samsunda Monteneqronu qəbul etdi. Həmişəki kimi evdə böyük azarkeş dəstəyinə malik olan Türkiyə 90 dəqiqə ərzində baxımlı oynadı və inamlı təsir bağışladı. Düzdü, Montellanın komandasının bütün cəhdlərinə baxmayaraq, ilk yarıda qol vurmaq mümkün olmadı. Üstəlik Barış Alpər Yılmaz zədələnərək əvəzləndi. Amma bu oyunda məhz sonradan meydana çıxanların fəallığı qola səbəb oldu.

69-cu dəqiqədə Kənan Yıldızın zərbəsindən sonra top dirəyə tuş gəldi. Cəmi 7 dəqiqə öncə meydana çıxan İrfan Can isə özünü yetirərək karyerasının ən rahat qollarından birini vurdu. Kahveci Montellanın dönəmində yığmada qol vuran 14-cü fərqli futbolçu oldu! Türkiyə futbolunu yaxından tanıyan Robert Prosineçkinin çalışdırdığı Monteneqro bu qola cavab verə bilməyincə minimal məğlubiyyətlə barışmalı oldu. Tura Türkiyə ilə eyni xalda daxil olan Uels isə Reykyavikdə 2 topluq üstünlüyü qoruya bilmədi. Britaniyalılar Monteneqro ilə səfər matçında olduğu kimi, yenə fasiləyə qədər iki cavabsız qol vurdular. Sentyabrda Podqoritsada meydan sahiblərinin gücü yalnız fərqi minimuma endirməyə yetmişdi. Amma bu dəfəki rəqib, yəni İslandiya daha güclü xarakter nümayiş etdirdi.

Meydan sahibləri məğlubiyyətdən qurtulmağı bacardılar. Bu nəticə sözsüz ki, ən çox Türkiyəni sevindirdi. 3-cü turdan sonra qardaş ölkə vahid liderliyi ələ keçirdi.

B liqası, 4-cü qrup
3-cü tur
Türkiyə - Monteneqro 1:0 (0:0)
Türkiyə: Mərt Günok, Mərt Müldür (Zəki Çəlik, 62), Merih Dəmiral, Ədülkərim Bardakcı, Fərdi Kadıoğlu, Hakan Çalhanoğlu, Orkun Kökçü, Yunus Akgün (İrfan Can Kahveci, 62), Arda Gülər (Kaan Ayhan, 83), Kərəm Aktürkoğlu (Kənan Yıldız, 68), Barış Alpər Yılmaz (Bertuğ Yıldırım, 46).
Monteneqro: Nikiç, Maruşiç, Vuyaçiç, Şipçiç, Vukçeviç, Yovoviç (Brnoviç, 76), Kuç (Yankoviç, 61), Bakiç (Vukotiç, 90), Çamay (Osmayiç, 61), Krstoviç, Yovetiç (Muqoşa, 76).
Qol: İrfan Can Kahveci, 69.
Vərəqələr: Arda Gülər, 65. Brnoviç, 89. Kaan Ayhan, 90+2. Orkun Kökçü, 90+3. Osmayiç, 90+3 – sarı.
Hakim: Daniele Kiffi (İtaliya).
11 oktyabr. Samsun. 28829 tamaşaçı.

İslandiya – Uels 2:2 (0:2)
İslandiya: Valdimarsson, Fridriksson, İnqason, Qretarsson, Finnsson (Tomasson, 46), Tordarson, Qudmundsson (Traustason, 82), Villumsson (Ellertsson, 46), Torsteynsson, Oskarsson, Qudyonsen (Siqurdsson, 84).
Uels: Uord, Roberts (Kallen, 76), Rodon, Devis, Uillyams, Uilson, Kuper, Ceyms, Conson (Berns, 46), Tomas (Kabanqo, 76), Mur.
Qollar: Conson, 11 (0:1). Uilson, 29 (0:2). Tomasson, 69 (1:2). Uord, 72-öz qapısına (2:2).
Vərəqələr: Tordarson, 28. Torsteynsson, 32. Conson, 32. Roberts, 41. Mur, 51. Ceyms, 59. Uord, 90+3 – sarı.
Hakim: Antoni Bandiç (Bosniya və Hersoqovina).
11 oktyabr. Reykyavik. 6141 tamaşaçı.

4-cü tur
İslandiya – Türkiyə 2:4
Oskarsson, 3. Qudyonsen, 83 – İrfan Kahveci, 62. Hakan Çalhanoğlu, 67-p. Arda Gülər, 88. Kərəm Aktürkoğlu, 90+5.
Uels – Monteneqro 1:0
Uilson, 36-p.

1. Türkiyə 4 3 1 0 8-3 10
2. Uels 4 2 2 0 5-3 8
3. İslandiya 4 1 1 2 7-9 4
4. Monteneqro 4 0 0 4 1-6 0

Faktlar
* Türkiyə 634-cü oyunda 247-ci qələbəsini qazandı (149 bərabərlik, 238 məğlubiyyət, top fərqi – 865:906).
* Türkiyə Montellanın başçılığı altında 16-cı oyunda 8-ci qələbəsini qazandı (3 heç-heçə, 5 məğlubiyyət).
* Montella Türkiyə yığmasının başında ilk 3 ev oyununun hər birindən (Latviya 4:0, İslandiya 3:1, Monteneqro 1:0) qələbə ilə ayrılan ilk mütəxəssis kimi tarixə düşdü.
* Türkiyə Monteneqroya qarşı keçirdiyi 5-ci oyunda da məğlub olmadı (3 qələbə, 2 heç-heçə).

Oyundan sonra
Vinçentso Montella, Türkiyə yığmasının baş məşqçisi: