"Karvan-Yevlax" premyer-liqanın 31-ci turunda "Turan Tovuz"a uduzdu - 0:1.

"Football-plus.az" xəbər verir ki, yevlaxlıların baş məşqçisi Fizuli Məmmədov oyunsonrası mətbuat konfransında jurnalistlərin suallarını cavabladı.

- Oyun gözlədiyimiz kimi gərgin keçdi. Hər iki komanda əməlli-başlı döyüşkən futbol sərgilədi. Rəqibi tam təhlil etmişdik. Futbolçuları qələbə üçün kökləmişdik. Onlar bunu etmək üçün çox mübarizə apardı. Bir qol oyunun taleyini həll etdi. Sistem dəyişikliyi edib, hesabı bərabərləşdirib, qələbə üçün əvəzetmələr etdik. Amma "Turan Tovuz"un müdafiə xətti çox yaxşıdı. Çalışdıq ki, rəqibə səhv etsin. Bir qol epizodumuz oldu, ondan da yararlana bilmədik. Uduzduq. Artıq söz deyə bilmirəm. Hər futbolçuya təşəkkür edirəm. "Turan Tovuz"u təbrik edirəm, avrokuboklarda onlara uğurlar arzulayıram.

- Komandada potensial görürsüz ki, 1-ci liqadan yenidən yüksək liqaya vəsiqə qazanasız?
- İnfrastruktur baxımından növbəti mövsümün sonunda premyer-liqaya qayıtmaq üçün hər şərait var. Komandanın heyətində potensiallı futbolçular çoxdu. Premyer-liqaya qayıtmaq istəyiriksə, yaxşı komanda qurmalıyıq. Bunun üçün çempionat bitdikdən sonra rəhbərliklə danışıqlar olacaq.

- Hansı məqama daha çox təəssüfləndiz?
- Çox oyunlar oldu ki, qələbə də qazana bilərdik. Uşaq səhvlərindən qollar buraxmışıq. Çox məqamlar var. Oyunları bir-bir saya bilərəm, hamısı xatirimdədi. İtirdiyimiz xallar oldu. Onlar bizə hava-su kimi lazım idi. Səfərdə "Turan Tovuz"a qalib gəlmək çətindi. Amma evdə qələbə qazana biləcəyimiz oyunlar az deyildi.