“Karvan-Yevlax” Misli premyer-liqasının 32-ci turunda evdə “Qəbələ”yə uduzdu.

Yevlaxlıların baş məşqçisi Fizuli Məmmədov oyundan sonra jurnalistlər önünə çıxdı.

- Komandanın motivasiya problemi var idi. Həm son turda məğlub olmuşduq, həm də artıq taleyimiz bəlli olunmuşdu. Futbolçuları anlayıram. Onlar üçün çətindi. Oyuna gəlincə, bilirdim ki, çətin olacaq. Yenə də evdə qələbə qazanmaq istəyirdik. Xırda detallar üzündən məğlub olduq. Bu hər bir komandanın başına gələn hadisədi. Çox üzgünəm, amma həyat davam edir. Futbolçularım əziyyət çəkdi, ama heyf ki, məğlub olduq.

- İlk hissədə passiv oyun nümayiş etdirdiz, ikincidə isə daha yaxşı oyun göstərdiz. Fasilədə futbolçulara necə motivasiya verdiz?
- İlk hissədə kəsərsiz oynayırdıq, təzyiq edə bilmirdik. Lakin 2-ci hissədə əvəzetmələrdən sonra kəsərli olduq, qol vurduq. Ama çox keçmədən 2 qol buraxdıq. Yenə də deyirəm ki, futbolçular üçün çətindi.

- “Karvan-Yevlax”da gələcək fəaliyyətiniz necə olacaq?
- Bu haqqda rəhbərliklə danışmamışıq. Amma mayın sonuna qədər müqaviləm var. Və bu müddətdə əlimdən gələni edəcəm.
Hər bir oyunçunun mayın sonuna qədər müqaviləsi var. Onlar sona qədər çalışmağa məcburdu. Ondan sonrası isə klubdan asılıdı.

- İndiki heyəti necə saxlaya bilərsiz?
- İddialı olsaq...

- Qoldan sonra Doyeni gəlib sizi qucaqladı, bu futbolçuların sizi sevdiyi mənasını verir…
- Açığı, bizim münasibətimiz yaxşıdı. Əlimizdən gələni edirik ki, səmimi mühit formalaşsın. Bəzən onları əsas heyətdən kənarda qoyanda əsəbləşirlər, amma olan şeydi bu.

İSRAİL XEYRULLAYEV