Misli premyer-liqasının 30-cu turunda “Karvan-Yevlax” doğma azarkeşləri önündə darmadağın oldu – 0:3.

Oyundan sonra Fizuli Məmmədov media önünə çıxdı.

- Oyuna bağlı çox danışmağa ehtiyac görmürəm. Evdə oynayırdıq deyə, daha yaxşı olacağını düşünürdük. Mövqe səhvindən qol buraxmağımız oyunumuza çox təsir etdi. Nə imkanımız varsa, sona qədər mübarizə aparacağıq. “Neftçi”ni təbrik edirəm.

- Birinci qola qədər yaxşı oynayırdız. Bir qol komandanı bu qədərmi sındırar?
- Düşünmürəm ki, birinci qol bizi sındırdı. İkinci hissədə tez qol buraxdıq və bu təsir etdi. Bu oyunda məğlub olmaq istəmirdim. İkinci qoldan sonra ruh düşkünlüyü yarandı.

- “Qəbələ” ilə təqviminizi müqayisə edəndə nə fikirləşirsiz?
- “Qəbələ” üçün də çətin oyunlar var. Hər oyun çətindi. Qarşıda 3 oyun və 6 xallıq fərq var. Bugünkü oyuna da yaxşı hazırlamışdıq. Amma olmadı.

- Təqvimin sizə təsiri var? “Qəbələ”dən az istirahət edirsiz.
- Düz deyirsiz. Çalışacağıq ki, təqvimə uyğun hazırlaşaq. Buna heç nə edə bilmərik.

MÜZƏFFƏR QULUZADƏ