Ölkə kubokun qalibi “Sabah” finalda “Zirə”yə qalib gələrək bu titula ardıcıl ikinci dəfə yiyələndi - 2:1.

"Bayquşlar"ın baş məşqçisi Valdas Dambrauskas oyunsonrası mətbuat konfransında iştirak etdi.

- Oyunçularımı bumövsümkü uğurları münasibəti ilə təbrik edirəm. Onlar qəhrəmandılar. Mükəmmələ yaxın mövsüm keçirdik. 33 oyunluq məğlubedilməz seriyamız oldu. Mövsümün bitməyinə bir ay qalmış çempion olduq. Onlar qalibiyyətə layiq idilər. Futbolçularımın necə çalışdığını bilirəm. Bütün məşqçi heyətini təbrik edirəm. Həkimlərə, meydançaya qulluğ edənlərə, xadiməçilərə - hər kəsə təşəkkür edirəm. Klub rəhbərliyinə təşəkkür edirəm. Xüsusi ilə Ramil Həsənova. Hər zaman yanımızda oldu. 10-cu klubdu ki, çalışıram. Burda xüsusi insanlar işləyir. Möhtəşəm klubdu. “Zirə”ni də təbrik edirəm. Məşqçi işi görünən komandadı. Qol vurub müdafiyə çəkilsələr də, oyundan həzz aldım. Sizə də təşəkkür edirəm. Konfranslara gəlib işıqlandırırsız.

- Sizcə, Mbinanın qolu daha baxımlı alındı, yoxsa Mikelsin?
- Yaxşı oynamaq onların vəzifəsidi. Azarkeşlərimiz üçün hücumameyilli oynamaq istəyirik. Rəqibin fərqi yoxdu, həmişə belə oynamaq istəyirik. Qolların hər ikisi fantastik idi. Bu qələbədə komanda işi var. Mikels mövsümboyu əla oynadı. O olmayanda Parris, Xəyal layiqincə əvəz etdi. Mənim üçün futbolçularım qəhrəmandılar.

- 5 fərqli ölkədə titul qazanmısız. Sıralasaz, “Sabah”ı neçənci yerə qoyardız?
- Müqayisə etmək istəməzdim. Hər klub mənə əziz olub. Çempion olmağı hər kəs istəyir. Həyatımda “Hayduk”la qazandığım titul qürurverici idi. Amma “Sabah” da olduqca özəldi. İki titul qazandıq. Bizə inananlara təşəkkür edirəm.