''Real''ın sabiq ulduzu Toni Kroos Arda Gülər ilə bağlı açıqlamalar verib.
2024-də ''Real''dan ayrıldıqdan sonra 34 yaşında karyerasını başa vuran Kroos Türkiyə yığmasının üzvünün rəqib qapısına mümkün qədər yaxın oynamalı olduğunu bildirib:
''Arda üçün hər zaman ''gələcəyin oyunçusu'' ifadəsini işlətmişəm. Bu mövsüm çox oynadı və yaxın gələcəkdə də klub üçün önəmli futbolçu olmaqda davam edəcək. Onun üçün ən uyğun mövqe ''10 nömrə'', yəni rəqib qapıya ən yaxın olan yerdi. Son ötürmələri mükəmməldi. Ona görə də hücumçulara və vingerlərə mümkün qədər yaxın olmalıdı. Düzdü, meydanın dərinliyindən də oyun qura bilir. Amma mərkəzdə oynadıqda tam olaraq potensialını aça bilmir''.
Zədə üzündən son oyunlarda ''Real''a kömək edə bilməyən Arda Gülər bu mövsüm 50 rəsmi matçda iştirak edərək aktivinə 6 qol, 14 məhsuldar ötürmə yazıb.