“Ferrari”nin pilotu Şarl Lekler Bəhreyndə keçirilən mövsümöncəsi test yürüşlərinin yekunlarını və komandasının “Formula-1”in yeni mövsümünə hazırlıq səviyyəsini dəyərləndirib: “Testin son günü rahat keçdi, planlaşdırdığımız proqramı tamamladıq və hər şeyi sınaqdan keçirdik”.

"Football-plus.az" xəbər verir ki, Leklerin dediyinə görə, komandalar mövsümöncəsi testlərdə bilərəkdən bütün kartları açmır: “Ferrari”nin sürət baxımından pelotonun hansı nöqtəsində qərarlaşdırdığını anlamaq çətindi. Ona görə ki, komandalar belə yürüşlərdə əsl sürətini gizlədir. İndiki məqamda buna diqqət yetirmək əvəzinə yeni mövsümün ilk yarışına hazırlaşmaq lazımdı”.

Bu arada məşhur italiyalı şərhçi Leo Turrini mövsümöncəsi test yürüşlərinin yekunlarına görə “Formula-1” komandalarının reytinqini hazırlayıb. Onun tərtib etdiyi siyahıda ilk yeri “Mersedes”, “Ferrari” və “Red Bull”u qabaqlayan “Maklaren” tutub. Turrinini reytinqi belədi: 1. “Maklaren”, 2. “Mersedes”, 3. “Ferrari”, 4. “Red Bull”, 5. “Haas”, 6. “Audi”, 7. “Reysinq Bullz”, 8. “Uilyams”, 9. “Alpin”, 10. “Zauber”.

Turrini “Maklaren”in liderliyi haqda danışarkən bu komandanın rəhbəri Andrea Stellanı ölkə xaricində çalışan ən ağıllı italiyalılardan biri adlandırıb.

Qeyd edək ki, “Formula-1”də yeni mövsüm martın 6-da Avstraliya mərhələsi ilə start götürəcək və dekabrın 6-da Əb-Dabi mərhələsi ilə başa çatacaq.