''Beşiktaş'' Sərgən Yalçının gəlişi ilə nəhayət, fanatlarını həm inamlı oyun, həm də uğurlu nəticələrlə sevindirməyə başlayıb.

"Football-plus.az" xəbər verir ki, noyabrın əvvəllərində evdə ''Fənərbaxça'' ilə derbidən bu yana heç kimə uduzmayan ''qartal'' qışda həyata keçirdiyi transferlərlə bir qədər də güclənib. İstanbul nəhəngi son olaraq 24-cü turda səfərdə ''Kocaelispor''u məhz yeni transferlərdən olan mərkəz müdafiəçisi Emmanuel Aqbadunun qolu ilə 1:0 məğlub etdi. Komandanın qələbə seriyası 3, rəsmi matçlarda məğlubiyyətsiz seriyası 17 oyuna yüksəldi.

Daha bir önəmli göstərici səfər oyunları ilə bağlıdı. ''Beşiktaş''ın Türkiyə çempionatında rəqib meydanlarında məğlubiyyətsiz seriyası 10 oyuna yüksəldi ki, bu da komandanın 2003/04-dən bu yana ən yaxşı seriyasıdı.

Maraqlıdı ki, 22 il öncə Sərgən Yalçın da futbolçu kimi heyətdə idi. O vaxt ''ağ-qaralar''ın səfər seriyası 12-ci oyunda qırılmışdı.

''Beşiktaş'' növbəti səfər matçını ''Gənclərbirliyi''nə qarşı keçirəcək və o matçda uduzmayacağı XXI əsrdəki ən yaxşı göstəricisini tekrarlayacaq. Rekordu yeniləmək üçün isə ''Beşiktaş'' artıq ''Fənərbaxça'' səfərində xal qazanmalı olacaq.