Qəbələ - İmişli 3:2 (2:1)
1. Səlahət Ağayev – 5,5
33. Seydina Keyta – 5,5
16. İsaak Amoah – 5,5
28. Murad Musayev (k) – 6,0
66. Nuğay Rəşidov – 6,5
(3. Eduardo Kunde, 74) – 5,0
6. Xayme Syerra – 5,5
10. Şahin Şahniyarov – 5,5
(13. Nicat Əliyev, 74) – 5,0
27. Eşqin Əhmədov – 5,5
30. Prins Ovusu – 6,5
(50. Adriel Ba Loua, 74) – 6,5
24. İsmael Akinade – 6,0
(22. Fərid İsgəndərov, 90) – qiymətsiz
14. Domi Massumo – 7,0
(12. İbrahim Sanqare, 90) – qiymətsiz

Ehtiyat oyunçular
93. Rza Cəfərov
94. Həbib Hüşənov
11. Asif Məmmədov
7. Turan Manafov
74. Süleyman Damadayev
21. Ziya Şəkərxanov
70. Paulo Quimbila
Məşqçi: Georgi Çixradze
Komandanın ən yaxşısı: Domi Massumo

33. Andrey Sinenka – 5,5
29. Edvin Banquera – 5,5
19. Azər Salahlı (k) – 5,5
14. Ronaldo Rodriges – 6,0
23. Dioqo Rollo – 5,5
94. Rafael Vieqaş – 5,5
10. Nikola Karaklaiç – 5.5
(97. Xəzər Mahmudov, 67) – 5,0
5. İdris İnqilablı – 5,5
21. Abbas Ağazadə - 5,5
(44. Həzrət İsayev, 67) – 5,5
9. Dioqo Almeyda – 6,5
7. Juninyo – 6,0

Ehtiyat oyunçular
1. Hüseynəli Quliyev
77. Elmir Rəhimzadə
70. Mehdi Tahirov
3. Tuncay Yusifli
30. Xəlil Mürsəlli
Baş məşqçi: Jorj Kaşkilya
Komandanın ən yaxşısı: Dioqo Almeyda

Qollar: D.Almeyda, 7 (0:1, Juninyo). D.Massumo, 27 (1:1, N.Rəşidov). D.Massumo, 45+1 (2:1, P.Ovusu). D.Almeyda, 60 (2:2). D.Massumo, 87 (3:2, A.Ba Loua).
Vərəqələr: İ.Akinade, 52 (qeyri-idman hərəkəti). H.İsayev, 84 (qeyri-idman hərəkəti) – sarı.
Hakimlər: KAMRANBƏY RƏHİMOV, Akif Əmirəli, Kərim Zeynalov, Ruslan Quliyev (hamısı Bakı).
VAR hakimi: Əliyar Ağayev (Bakı).
VAR hakiminin köməkçisi: Rahil Ramazanov (Bakı).
Hakim-inspektor: Zöhrab Qədiyev (Bakı).
AFFA nümayəndəsi: Mübariz Hüseynov (Gəncə).
30 yanvar. Qəbələ. Şəhər stadionu. 700 tamaşaçı (4500 tamaşaçı).
Birinci hissəyə 4, ikinci hissəyə 3 dəqiqə əlavə olunub.
Oyunun qiyməti: 6,5.

İlə səfərdə “Şamaxı”nı darmadağın etməklə başlayan “Qəbələ” bu dəfə evdə meydana çıxdı. “Qırmızı-qaralar” daha bir elitada qalmaq uğrunda mübarizə aparan komandanı məğlub etməklə təhlükəli zonadan uzaqlaşmaq niyyətində idi. Eyni amal üçün döyüşən “İmişli”yə gəlincə, “pələnglər” son 5 matçda qələbə qazana bilməmişdi. Bu üzdən tilsimi qırmaq, xal ehtiyatını artırmaq əhəmiyyətli hədəfə çevrilmişdi. Belədə oyunun gərgin mübarizə, qarşılıqlı hücumlar şəraitində keçməsi sürpriz olmadı.

Hesabı “İmişli” açdı. Buna Syerranın qeyri-dəqiq ötürməsi şərait yaratdı. Topa yiyələnən Juninyonun ön xətdə fürsət gözləyən Almeydaya ötürməsi sonuncunun 7-ci dəqiqədə fərqlənməsiylə nəticələndi. Bir qədər sonra bəxtini sınayan İdrisin təxminən 20 metrdən zərbəsi boşa çıxdı: “kürə” qapıdan aralı keçdi. “Qəbələ”dən hesabı bərabərləşdirməyə yaxın olan isim Akinade oldu. Ancaq “qırmızı-qaralar”ın qış fasiləsində heyətinə qatdığı hücumçu Sinenkayla bacarmadı. Meydan sahibləri Eşqin və Şahinin uzaq məsafədən cəhdlərindən də xeyir görməsə də, Massumo 27-ci dəqiqədə komandasını sevindirdi. Nuğayın qapıya paralel ötürməsini qəbul edən konqolu Azərin inadkar müdaxiləsinə rəğmən, adını tabloya yazdırdı. Hesabı bərabərləşdirən “Qəbələ” ilk hissənin qalan vaxtında fasiləyə öndə yollanmaq üçün iki imkan əldə etsə də, birincisini dəyərləndirə bilmədi. Buna Nuğayın ötürməsindən sonra bəxtini sınayan Eşqinin Sinenkayla bacarmaması səbəb oldu. Növbəti cəhd isə Massumonun 45+1-ci dəqiqədə dubl etməsiylə nəticələndi. Ovusunun uzaqdan ötürdüyü topu cərimə meydançasına qəbul edən konqolu fərqləndi.

İkinci yarının əvvəli meydan sahiblərinin daha bir qol uğrunda tər tökdüyü anlarla yadda qaldı. O başqa məsələ ki, 48-ci dəqiqədə Ovusunun ötürməsindən faydalanmağa çalışan Syerra qeyri-dəqiq oldu. Qonaqların 60-cı dəqiqədə qurduğu hücumda isə Almeyda dubla imza atdı. Əslində burda Ronaldo da fərqlənə bilərdi. Lakin Juninyonun küncdən göndərdiyi “kürə”ni başla tora qovuşdurmaq istəyən braziliyalıya əvvəlcə Səlahət, ardından tir mane oldu. Belədə meydanda qalan topu “çərçivə”dən keçirmək portuqaliyalının payına düşdü.

Bir qədər sonra İdrislə Ba Louanın fürsətləri puç etdiyini gördük. “İmişli”nin futbolçusu qeyri-dəqiqliyin qurbanı oldusa, “Qəbələ”nin oyunçusu Akinadenin qapıönünə ötürməsinə Sinenkadan əvvəl çata bilmədi. İndi qələbə üçün cəmi bir qol lazım idi ki, Massumo yenidən səhnəyə çıxdı. O, Ba Louanın cərimə meydançasına gözəl ötürməsindən sonra fərqləndi.

Beləliklə, “Qəbələ” ilin ardıcıl ikinci qələbəsini qazanmaqla təhlükəli zonadan bir qədər də uzaqlaşdı. “İmişli”nin qələbə həsrəti 6 oyuna çatdı.

Gözdən qaçmadı
// “İmişli “ Qəbələdə yalqız qaldı. Komandanın tribunada azarkeşləri yox idi.
// Kaxaber Sxadadze cəzalı olduğundan komandasının çıxışını “sky-box”dan izləyirdi. Gürcüstanlı mütəxəssis telefon vasitəsilə köməkçiləriylə əlaqədə idi.

KƏNAN BAHADIR