AFFA Azərbaycan futbolunun beynəlxalq imicini artırmaq məqsədi ilə FİFA ilə lisenziya müqaviləsi imzalayıb.

"Football-plus.az" xəbər verir ki, saziş lisenziya müddəti ərzində - 2028-ci il sentyabrın 1-dək AFFA-nın bayrağı altında təşkil edilən yarışlardan seçilmiş matçları və video məzmunu (materialı) əhatə edir.

Bu proqrama qadınlardan ibarət millimizin yoldaşlıq oyunları və Millətlər Liqasının seçmə görüşləri, Yüksək Qızlar Liqasının hər turdan seçilmiş iki matçı, AFFA-nın bayrağı altında keçirilən aşağı yaş qrupları üzrə liqalar, həmçinin sənədli filmlər və tələb üzrə video məzmun daxildi. Qarşılıqlı razılaşma əsasında əlavə yarışlar da daxil edilə bilər.

Seçilmiş məzmun Azərbaycan futbolunun beynəlxalq rəqəmsal mövcudluğunu daha da gücləndirmək və AFFA-nın qlobal əhatə dairəsini genişləndirmək səylərini dəstəkləmək üçün FİFA-nın rəsmi yayım xidməti olan "FIFA+"-da təqdim oluna bilər.

Əldə olunmuş razılığa əsasən, hər həftə seçilmiş oyunlar platformada göstəriləcək. Bu həftəsonu aşağıda linkləri qeyd edilən iki oyun yayınlanacaq:

https://www.plus.fifa.com/en/content/shafa-fc-vs-sabah-fc/7129a8d8-b694-4dee-8eab-d6109d436c70
https://www.plus.fifa.com/en/content/tahsil-rim-vs-sumgait-fc/f9fcadd8-b26a-4ab6-9bf7-18ce5d29e582