“Belə oyunlara hazırlanmaq çətin olur. Səbəb də odu ki, bir həftə əvvəl “Şəki” əsas rəqibimiz “Qaradağ Lökbatan”la oyuna çıxmaqdan imtina etdi. Buna görə kimisə qınaya bilmərəm. Öz qərarlarıdı. Amma bunlar insanların beynində sual işarəsi buraxırlar. Komanda şəklində psixoloji cəhətdən hazırlaşa bilmədik. Dedik ki, maliyyə problemləri var, klub dağılacaq, son oyuna da çıxmayıblar... Məşqlərə çıxdıq, amma psixoloji köklənmək ayrıdı... Start fitinə qədər bilmirdik ki, rəqib meydana çıxacaq, oyun olacaq, ya yox. Qərar verə bilmirdilər. Oyuna yarım saat qalmış iclas etdilər, sonra da dedilər ki, meydana çıxırıq. Çox çətin oyun oldu. Müdafiəyə oturdular. Təsadüfən qol buraxdıq. Olmayanda olmur... Şükürlər olsun ki, sonda qələbə qazana bildik. Ümid edirəm ki, bir də belə hallarla qarşılaşmayacayıq. Bu qələbəni də bütün Xankəndiyə həsr edirik. Hər kəsin Yeni ilini təbrik edirəm. Uğurlu, düşərli olsun. Biz də fasilədən qayıdandan sonra “Qaradağ Lökbatan”a qarşı oynayacayıq. İnşallah, qələbə qazanacağıq. Tək hədəfimiz var, o da çempionluqdu. Bunu da bacaracağımıza inanıram, futbolçularıma güvənirəm”.

“Həmişəki vəziyyətdi. 50 gündü məşq etmirik, dörd həftədi məşqsiz oyunlara çıxırıq. Çempionluğa bir nömrəli iddialıya qarşı oynadıq. Heç bir taktikadan söhbət gedə bilməz. Vuruşduq, əlimizdən gələni etməyə çalışdıq. Rəhbərlik sağ olsun, gəldi, arxamızda dayandı. İkiaylıq maaşı verdilər. 2-ci dövrəyə yaxşı, iddialı başlayacayıq. Hədəfimiz ilk üç yerdən birini tutmaqdı. İbrahim Uzunca düz deyir, son ana qədər bilmirdik ki, oyun olacaq, ya yox. Uşaqların əllərinə-qollarına sağlıq. Adımıza-sanımıza layiq oynadıq. Bizim üçün də üzücü oldu. 90 dəqiqə tab gətirdik, əlavə vaxtda qol buraxdıq. Bu da normaldı. Rəqib komanda çempionluğa oynayır. Onlara da işlərində uğurlar. İnşallah, sonda istədikləri nəticəyə çatarlar”.