La Liqada çempionluq mübarizəsini davam etdirən ''Real'' ilin son rəsmi oyununu keçirdi.

"Football-plus.az," xəbər verir ki, Madrid nəhəngi 17-ci turda ''Sevilya''nı qəbul etdi. ''Kral klubu'' iki cavabsız qol vuraraq ili ardıcıl 3 qələbə ilə tamamladı.

Komanda bundan əvvəlki oyunlarda ''Alaves'' (2:1) və kubokda ''Talavera''nı (3:2) məğlub etmişdi. Qələbənin əsasını ilk yarıda Cud Belinngem qoydusa, ikinci hissədə penaltidən fərqlənən Kilian Mbappe yekun nəticəni müəyyənləşdirdi. Fransalı ulduz ili yüksək əhval-ruhiyyədə tamamladı. O, 2025-ci ildə ''Real''ın heyətində 59-cu qolunu vurmaqla Kriştiano Ronaldoya məxsus klub rekordunu təkrarladı.

Portuqaliya 2013-cü ildə 59 qol vurmuşdu. Düzdü, Kriştiano 12 il öncə bu qədər qolu 50 oyuna vurmuşdusa, Mbappeyə bu il bu qol sayına çatmaq üçün elə 59 oyun keçirmək lazım gəlib. Oyun günü, yəni dekabrın 20-də həm də Mbappe 27-ci doğum gününü qeyd edirdi. Onun qol sevincini Kriştiano tərzində qeyd etməsi diqqətdən qaçmadı.

Maraqlıdı ki, onun qol sevinci ilə bağlı ''instaqram''dakı paylaşımına Ronaldo da şərh yazıb.