''Fənərbaxça''və Türkiyə yığmasının üzvü Çağlar Söyüncü ilə bağlı sürpriz transfer iddiası ortaya atılıb.

"Football-plus.az" xəbər verir ki, Türkiyə mətbuatının yazdığına inansaq, ''Milan'' bu futbolçuya ciddi şəkildə maraq göstərir. İtaliya nəhəngi müdafiənin mərkəzində rotasiyada istifadə edə biləcəyi bir futbolçu axtarır. Baş məşqçi Massimiliani Alleqrinin fikrincə, Çağlar buna tam uyğun futbolçudu.

''Milan''da hazırda De Vinter, Tomori, Pavloviç, Qabbia və Odoqu kimi mərkəz müdafiəçiləri var. Buna baxmayaraq Alleqri qışda Çağların da heyətə qatılmasını istəyir. 27 yaşlı futbolçunun daha öncə Almaniya, İngiltərə və İspaniya çempionatlarında top qovması də ''Milan''ın ona maraq göstərməsində az rol oynamır. ''Rossonyerlər''in İdman meneceri İqli Tarenin yanvarda ''Fənər''lə danışıqlara başlayacağı gözlənilir. ''Fənərbaxça''nın belə bir təklifə necə cavab verəcəyi bilinmir.

Şayiələrə inansaq, ehtiyatda qalmağı heç vaxt problem etməyən Söyüncü karyerasını İtaliyada davam etdirməyin əleyhinə deyil.

2024-ün yanvarından ''sarı-lacivərdlilər''in şərəfini qoruyan və transfer dəyəri 7 milyon avro civarında olan Çağların klubla müqavilə müddəti 2027-yə qədərdi.