Rodriqo “Real”ı tərk edə bilər.
“Real”ın hücumçusunun İngiltərə premyer-liqasında oynamaq şansı var.

"Football-plus.az" xəbər verir ki, “Tottenhem” 24 yaşlı futbolçunu heyətinə qatmaqda maraqlıdı.

Məlumata görə, London klubu “Real”ın müəyyən etdiyi 80 milyon avro transfer haqqını ödəməyə hazırdı. Xabi Alonsonun baş məşqçi təyin edilməsindən sonra Rodriqo meydana əsasən ehtiyat oyunçusu kimi çıxır.

Braziliyalı futbolçunun dünya çempionatından əvvəl daha çox oyun təcrübəsi qazanmaq istədiyi bildirilir.

Rodriqo cari mövsümdə bütün turnirlərdə 13 matça çıxıb və 2 məhsuldar ötürmə edib.