“Qarabağ” – “Çelsi” oyunu üçün Bakıya bir neçə ölkədən media nümayəndəsi gəlmişdi. Onlar arasında hətta ABŞ-dən gələnlər də var idi.

Açığı, həmkarlarımızın bu qədər istiqanlı olacağını gözləmirdim. Öz yerini bilən, ölkə, şəhər haqqında nələrsə öyrənməyə çalışan istiqanlı jurnalistlər gördüm. Şəhərin tarixi, Azərbaycan xalqının futbola nə dərəcədə maraq göstərməsi haqda soruşurdular. Hər biri “köhlən atlar”ın illərdi Avropada “at oynatdığını” bilirdi. Şəhəri də bəyənmişdilər.

“Londonisblue” podkastının admini, hindistanlı Şamir Reubenlə oyunöncəsi mətbuat konfransında söhbətimiz olmuşdu. Matçdan sonra da çox isti münasibət gördüm. Nəticənin gözlənilməz olduğunu desə də, “Qarabağ”ın bir xala layiq olduğunu bildirdi. Əlaqə nömrəsini, “yutub” və “spotifay”dakı podkastlarının linkini atdı. Sağollaşanda isə “mütləq əlaqə saxlayaq” dedi.

Belə istiqanlı media nümayəndələrini “Aris” üçün Bakıya gələn yunan jurnalistlər arasında görmüşdüm. Amma “Çelsi” üçün gələn həmkarlarımız komandalarının baş məşqçisinin mətbuat konransı bitəndən sonra getmədi, hətta Qurban Qurbanova da suallar ünvanladı.

Xoş gəlmişdiz, salamat qalın, misterlər!

MÜZƏFFƏR QULUZADƏ