Qazaxıstanı təmsil edən Aleksandr Bublik Çinin Xançjou şəhərində keçirilən ATP 250 seriyalı turnirin finalında fransalı Valentin Royeyə qalib gəlib - 7:6 (7:4), 7:6 (7:4). 

"Football-plus.az" xəbər verir ki, 28 yaşlı tennisçi bununla da cari mövsümdə 4-cü ATP titulunu qazanıb.

Bublik tarixə 2019-cu ildən bəri bir mövsüm ərzində bütün növ örtüklərdə qələbə qazanan 3-cü tennisçi kimi düşüb. Əvvəllər yalnız serb Novak Cokoviç (2019, 2021, 2022) və ispaniyalı Karlos Alkaras (2023, 2024, 2025) belə nəticə göstərib.

Bublik buna qədər Qalledə ot örtükdə, Hştaad və Kitsbyueldə qrunt üzərində keçirilən turnirlərdə də qələbə qazanmışdı.