Mövsümə əla başlayan “Bavariya” tempi aşağı salmaq niyyətində deyil.

"Football-plus.az" xəbər verir ki, Münhen nəhənginin budəfəki qurbanı “Verder” oldu. Hər hissədə iki qol vuran “rekordmayster” növbəti darmadağını rəsmiləşdirdi. Komanda bu mövsüm bundesliqada yalnız bir oyunda 4-dən az qol vurub. “Bavariya” mövsümün startından bəri ardıcıl 8-ci rəsmi oyunda qalib gəldi (top fərqi – 30:7). Keyn bundesliqada yerinə yetirdiyi 18-ci penaltini də qola çevirməklə özünə məxsus rekordu bir qədər də yaxşılaşdırdı. O, bu turnirdə artıq 68 oyunda 72 dəfə fərqlənib və orta hesabla hər 79 dəqiqəyə bir qol vurur!

Şənbə gününün oyunları qonaq komandaların üstünlüyü şəraitində keçdi. “Bayer-04” böyük çətinliklə də olsa, “Sankt Pauli” səfərindən 3 xalla dönməyi bacardı. Dortmund “Borussiya”sı isə “Maynts-05”lə səfər oyununda ciddi problemlə üzləşmədi. Meydan sahiblərinin ikinci hissənin ortalarından etibarən azlıqda oynadığını da bildirək.

Yeri gəlmişkən, “arılar” ardıcıl 10-cu bundesliqa matçında fasiləyə üstün yollandılar! Bu, göstərici yeni rekord kimi turnirin tarixinə düşdü. “Leyptsiq” qələbələri sıralamaqda davam edir. “Öküzlər” bu dəfə çətin Volfsburq səfərindən 3 xalla dönməklə ardıcıl 4-cü qələbəni bayram etdilər. Təkcə bundesliqada yox, “böyük beşlik”də həftənin ən məhsuldar oyunu Mühnehqladbaxda baş tutdu. Son iki turda uduzan “Ayntraxt” bunun əvəzini səfərdə “Borussiya”dan çıxdı. Frankfurt təmsilçisi 47 dəqiqəyə 6 (!) qol vurmaqla rəqibi meydandan silib-süpürdü. Düzdü, vaxtından əvvəl arxayınlaşmaq komandaya baha başa gələ bilərdi. Amma 72-ci dəqiqədən başlayaraq vurulan 4 qol meydan sahibləri üçün sadəcə, təsəlli oldu. “Haydenhaym”ın bu tur mövsümdə ilk qələbəsini qazanması ilə “Borussiya” turnir cədvəlinin zirzəmisinə yollandı. “Ayntraxt”ın isə bu mükəmməl performansdan sonra növbəti tur “Bavariya” ilə oyununu səbirsizliklə gözləməyə dəyər.

Bazar günü keçirilən oyunlar çox da məhsuldar alınmadı. Frayburqdan 1 xalla dönən “Hoffenhaym” bu mövsüm səfərdə keçirdiyi 3-cü oyunda da uduzmadı. Paytaxt səfərindəki qolsuz heç-heçəni debütant “Hamburq”un hesabına yazmaq olar. Çünki meydan sahibləri oyunun gedişində penaltidən yararlana bilmədilər. Kölndə əzmkar qələbə qazanan “Ştutqart” isə 5-ci pilləyə yüksəldi.

5-cü tur
Bavariya – Verder 4:0
Ta, 22. Keyn, 45-p.; 65. Laymer, 87. (75000)
Bavariya: Noyer, Boe, Upamekano, Ta, Laymer, Bişof, Qoretska (Kimmix, 61), Olise (Karl, 78), Qnabri (Gerreyro, 61), Dias (Mayk, 84), Keyn (Cekson, 78).

Sankt Pauli – Bayer-04 1:2
Val, 32 – Tapsoba, 25. Poku, 58. (29000)
Bayer-04: Flekken, Tape (Vaskes, 56), Kuansa, Bade, Tapsoba, Qrimaldo, Qarsiya, Andrix (Fernandes, 46), Tillman (Hofmann, 75), Ben Segir (Poku, 56), Şik (Kofane, 89).

Maynts-05 – Borussiya D 0:2
Svensson, 27. Adeyemi, 40. (33305)
Borussiya: Kobel, Kouto (Ryuyerson, 69), Şlotterbek, Anton, Bensebayni, Svensson, F.Nmeça (Bellingem, 77), Zabitser (Qross, 77), Adeyemi (Çukvuemeka, 68), Brandt, Bayer (Fabio Silva, 87).

Borussiya M – Ayntraxt F 4:6
Kastrop, 72. Tabakoviç, 78. Engelhardt, 83. Ranos, 90+9 – Kox, 11; 47. Knauff, 15. Burkardt, 35. Çaibi, 39. Can Uzun, 45+1. (54042)
Ayntraxt: Kauan Santos, Kollins (Buta, 57), Kox, Teate, Braun, Çaibi, Knauff, Skiri, Doan (Höylunn, 71), Can Uzun (Götse, 57), Burkardt (Vahi, 71).

Volfsburq Leyptsiq 0:1
Bakayoko, 8. (23236)
Leyptsiq: Qulaçi, Baku, Orban, Lukeba, Raum, Zayvald, Uedraoqo (Banzuzi, 64), Baumqartner (Verner, 90+3), Bakayoko (Kampl, 90+3), Diomande (Nusa, 79), Romulo (Harder, 79).

Köln – Ştutqart 1:2
Kaminski, 4 – Demiroviç, 28-p. Vaqnoman, 81. (50000)
Ştutqart: Nübel, Vaqnoman, Jak (Əl-Daxil, 86), Şabo, Hendriks (Mittelştadt, 61), Karazor, Ştiller, Tomas (Buanani, 70), Əl-Xannus (Narti, 86), Fürix (Levelinq, 71), Demiroviç.

Frayburq – Hoffеnhaym 1:1
Kübler, 3 – Asllani, 13. (33700)

Haydenhaym – Auqsburq 2:1
Kaufmann, 47. Konteh, 57 – Tits, 90+8. (15000)

Union – Hamburq 0:0
(22012)

1. Bavariya 5 5 0 0 22-3 15
2. Borussiya D 5 4 1 0 11-3 13
3. Leyptsiq 5 4 0 1 7-7 12
4. Ayntraxt F 5 3 0 2 17-13 9
5. Ştutqart 5 3 0 2 7-6 9
6. Bayer-04 5 2 2 1 10-8 8
7. Köln 5 2 1 2 10-9 7
8. Frayburq 5 2 1 2 9-9 7
9. Sankt Pauli 5 2 1 2 8-8 7
10. Hoffenhaym 5 2 1 2 9-11 7
11. Union 5 2 1 2 8-11 7
12. Volfsburq 5 1 2 2 7-7 5
13. Hamburq 5 1 2 2 2-8 5
14. Maynts-05 5 1 1 3 5-6 4
15. Verder 5 1 1 3 8-14 4
16. Auqsburq 5 1 0 4 8-12 3
17. Haydenhyaym 5 1 0 4 4-10 3
18. Borussiya M 5 0 2 3 5-12 2

Bombardirlər: Keyn (Bavariya) – 10, Can Uzun (Ayntraxt F) – 5.

Növbəti turun oyunları oktyabrın 3-5-i aralığında keçiriləcək: Borussiya M – Frayburq, Bayеr-04 – Union, Auqsburq – Volfsburq, Ayntraxt F – Bavariya, Ştutqart – Haydenhaym, Borussiya D – Lеyptsiq, Verder – Sankt Pauli, Hamburq – Maynts-05, Hoffеnhaym – Köln.

Turun rəqəmi
100 – əsrarəngiz və təkrarolunmaz Keyn, deyəsən, bundesliqada rekord qırmaqdan bezdiyindən indi də “böyük beşlik”də tarix yazmağa başlayıb. O, “Verder”lə oyunda dubl etməklə “Bavariya”nın heyətində 104-cü rəsmi oyunda vurduğu qolların sayını 100-ə çatdırdı. Bu, nəinki bundesliqanın, bütövlükdə “böyük beşliy”in yeni rekordudu! Əvvəlki rekord Kriştiano Ronaldo ilə Erlinq Holanna məxsus idi. Ronaldo “Real”da, Holann isə Dortmund “Borussiya”sında 100-cü qolu 105-ci oyunda vurmuşdu. Maraqlıdı ki, Kriştiano təkcə İspaniya yox, İtaliya futbolunda da bu göstəricidə zirvədə qərarlaşıb. O, “Yuventus”da 100-cü qolu 131-ci oyunda vurmuşdu. Liqa-1-də isə bu rekord PSJ-də xarüqələr yaradan Zlatan İbrahimoviçə (124) məxsusdu.

Turun ulduzu
Robin Kox (Ayntraxt F) – mərkəz müdafiəçisinin bir oyunda iki qol vurması futbolda nadir hallarda baş verən hadisədi. Bu üzdən biz üstünlüyü təcrübəli Koxa veririk. Hətta onun komandasının matçın son bölümündə 4 qol buraxması da 29 yaşlı futbolçunun əməyini yerə vurmamalıdı. Daha öncə İngiltərədə legioner həyatı yaşamış və “Lids”in şərəfini qorumuş Kox bundesliqada 148-ci oyunda ilk dəfə dubl etdi. Bu matçlarda onun hesabında 11 qol var.

Turun sitatı
Kasper Hülmann, “Bayer-04”ün baş məşqçisi: