“Ramil Şeydayevin tükəndiyini deyə bilmərəm. Onun karyerasında daha əvvəllər də eniş olub, daha sonra bərba edib, yüksəlişə keçə bilib. Çünki futbolçudu, güclü xarakterə malikdi. Bundan sonra da yüksəliş yaşaya bilər. Karyerasında belə kəskin enişə görə kimdəsə günah görmək olmur. Futbolda belə şeyi demək çətindi. Düzdü, yekun qərarı o özü verir. Futbolçunun əsas işi qazanmaqdı. Ona görə də Ramilin Taylanda, ya da Türkiyəyə gedişinin səhv olduğunu deyə bilmərik. Desək ki, Ramil o vaxt “Qarabağ”dan Asiyaya, ya da ordan “Kocaelispor”a getməsəydi, daha yaxşı olacaqdı – bu da həqiqət deyil. Faktdı ki, bu keçidlər onun karyerasında enişə səbəb oldu. Karyerasını bitirəndən sonra Ramilin özündən soruşmaq lazımdı ki, bu qərarlara görə peşmansan, ya yox”.

“Tükəndiyini demək olmaz. Niyə tükənsin ki?! Elə də yaşlı deyil. Olur da, bəzən karyerada nəsə alınmır. Qərarların səhv olduğunu əvvəldən bilmək olmur. Bəlkə düşünüb ki, “Qarabağ”da yaxşı oynayıramsa, formadayamsa, Taylandda daha yaxşı oynayacam. Eyni qaydada Türkiyə 1-ci liqasında da. Doğru qərarlar versəydi, daha yaxşı, uğurlu olardı. “Qarabağ”dan əvvəl də tükəndiyi deyilirdi. Getdi “Qarabağ”a, yaxşı oynadı, bombardir oldu. Ona görə də tükəndiyini demək olmaz. Belə düşünmürəm. Bəlkə doğru məşqçisini, komandasını tapanda yenidən dirçələcək. Çünki onda futbolçu bacarığı var, görmüşük. Düşüncəsini dəyişəndə, yaxşı əhval-ruhiyyədə olanda yaxşı oyun da göstərir. Günah heç vaxt birtərəfli olmur. Futbolunun özündən asılıdı. Ramil də xarakter göstərməlidi, daha çox mübarizə aparmalıdı. Bir klubda rəhbərlik, bir klubda məşqçi ilə problem olur. Amma əsas problem futbolçunun özü ilə bağlıdı. Hardasa problem olursa, xarakter göstərməli, dönüş etməlidi”.