Zirə - Kəpəz (Gəncə) 5:0 (3:0)
97. Tyaqo Silva - 5,5
20. İssa Cibrila - 7,5
(21. Hacıağa Hacılı, 73) - 5,0
4. Ruan Renato - 6,0
5. Ange Mutsinzi - 6,0
32. Qismət Alıyev (k) - 7,0
93. Brahim Konate - 6,0
(6. Eldar Quliyev, 73) - 4,0
17. Ayron Qomis - 5,5
11. Junior Martins - 6,5
(28. Leroy Mikels, 64) - 6,0
10. Georgi Papunaşvili - 6,0
(70. Namik Ələskərov, 80) - qiymətsiz
29. Ceyhun Nuriyev - 5,5
(77. Yeqor Boqomolski, 64) - 5,5
9. David Volkov - 5,5
Ehtiyat oyunçular
41. Anar Nəzirov
13. Aydın Bayramov
8. İsmayıl İbrahimli
16. Fuad Bayramov
14. Elçin Əlicanov
26. Stefan Aka
Baş məşqçi: Rəşad Sadıqov
Komandanın ən yaxşısı: İssa Cibrila

1. Kasper Rosa - 4,0
27. Məqsəd İsayev - 4,5
(7. Ehtiram Şahverdiyev, 78) - qiymətsiz
38. Cefferson Bentu - 4,0
15. Raul Məmmədov - 4,0
88. Şakir Seyidov - 4,5
19. Otar Aptsiauri - 4,0
(77. Fərid Nəbiyev, 43) - 4,5
6. Pedro Qomeş - 4,0
24. Olavale Onanuqa - 3,5
(10. Rinosuke Ohori, 43) - 5,0
12. Mahamadu Ba (k) - 4,5
55. Kresus Donqo - 4,5
(11. Vitor Feyjao, 57) - 4,5
9. Luis Paçu - 4,0
Ehtiyat oyunçular
22. Məmməd Hüseynov
81. Elgün Hüseynov
99. Əli Səmədov
17. Ümid Səmədov
20. Elcan Əbilov
23. Fərid Kələntərov
66. Arzu Atakişiyev
Baş məşqçi: Adil Şükürov
Komandanın ən yaxşısı: Rinosuke Ohori
Qollar: Q.Alıyev, 13 (1:0). İ.Cibrila, 33 (2:0). J.Martins, 37 (3:0). Y.Boqomolski, 71 (4:0, İ.Cibrila). D.Volkov, 81 (5:0, N.Ələskərov).
Vərəqələr: R.Məmmədov, 14 (qeyri-idman hərəkəti). P.Qomeş, 45+3 (qeyri-idman hərəkəti). N.Ələskərov, 82 (qeyri-idman hərəkəti) - sarı.
Hakimlər: KAMRANBƏY RƏHİMOV, Asiman Əzizli, Eyyub İbrahimov, Tural Qurbanov (hamısı Bakı).
VAR hakimi: Cavid Cəlilov (Bakı).
VAR hakiminin köməkçisi: Müslüm Əliyev (Bakı).
Hakim-inspektor: Asim Xudiyev (Bakı).
AFFA nümayəndəsi: Kifayət Mustafayeva (Bakı).
30 avqust. Zirə. Olimpiya Kompleksi. 700 tamaşaçı (1000 yerlik).
Birinci hissəyə 2, ikinci hissəyə 1 dəqiqə əlavə olunub.
Oyunun qiyməti: 5,5

İlk iki turdan 6 qol buraxan, qələbə qazanmayan “Kəpəz”in azarkeşləri bu oyunda nə qədər çətin olsa da, sevimli komandasından qələbə gözləyirdi. Oyundan əvvəl futbolçuları yanına çağıran “Xəmsə” onlara inandığını desə də, bu inam cəmi 33 dəqiqə yaşadı. Belə ki, “Zirə”nin ikinci qolundan sonra sanki azarkeşlərin “qolu-qanadı qırıldı”. Həmin ana qədər olanlara nəzər salaq. İlk təhlükəli vəziyyət cərimə meydançasından bir az kənarda cərimə zərbəsi ilə yaşandı. 13-cü dəqiqədə Qismət Alıyev topa yaxınlaşdı, yaxşı da zərbə vurdu. Top elə getdi ki, sanki qapıya daxil olmaq üçün “alışıb-yanırdı”. Başqa istiqamətə getdiyi hiss olunsa da, qapıçının dəf edəcəyi təxmin edilsə də, bu baş vermədi və hesab açıldı - 1:0.

17-ci dəqiqədə Mutsinzi müdafiədən irəliyə əla ötürmə verdi. Volkov Raulu qabaqlasa da, “çərçivə”yə düşə bilmədi. 27-ci dəqiqədə gəncəlilər hesabı bərabərləşdirməyə yaxın idi. Künc zərbəsindən sonra Bentu topu qapıya yönəltdi. Tyaqo topu çıxara bilməsə də, ən yaxın dostu - dirək onun köməyinə çatdı. 33-cü dəqiqədə İssa hamıya dejavü yaşatdı. Belə ki, bir ay əvvəl Splitdə “Hayduk”un qapısına vurduğu qola oxşarını yenə də vurdu. Baxımlı qolla hesab arasındakı fərq artdı. 37-ci dəqiqədə fərq daha biabırçı həddə çatdı. Qismətin cinahdan qapı qarşısına asmasından sonra Volkov başla yaxşı zərbə vurdu. Qapıçı əla qurtarış etsə də, qayıdan topu ünvanına çatdıran Martins hesabı 3:0 etdi. Qola isə sevinmədi. “Kəpəz” azarkeşləri komanda qol buraxsa da, bu jestə görə sabiq futbolçularını alqışladılar. Bundan sonra hər kəs ilk yarının bitməyini gözləyirdi. Qəsəbə təmsilçisinin meydanın mərkəzində topa nəzarət etməsi ilə ilk yarı başa çatdı.

İkinci hissəyə gəncəlilər yaxşı başladı. Donqonun ötürməsindən sonra Paçu hesab arasındakı fərqi azaltmağa yaxın idi, lakin bacarmadı - müdafiəçilər imkan vermədi. 65-ci dəqiqədə meydana bir neçə saniyə əvvəl çıxan Boqomolski də qol vura bilərdi. Amma belaruslu hücumçu qapıçıdan qayıdan topu boş qapıya göndərə bilmədi. İki dəqiqə sonra Mikels uzaqdan qapını yoxladı, Rosa kritik seyv etdi. 71-ci dəqiqədə “Zirə” əla hücuma çıxdı. Cibrila əvvəlcə Şakiri, sonra Raulu keçdi. Yeqora ötürdü və top səkərək qapıya daxil oldu. Oyundakı son təhlükəli vəziyyət də qolla nəticələndi. Namikin künc zərbəsindən ötürməsini Volkov başı ilə məntiqi sonluğa çatdırdı. Beləliklə, “Zirə” bu mövsüm ikinci qələbəsini qazandı, “Kəpəz” isə ardıcıl 3-cü oyunda məğlubiyyətə düçar oldu, buraxılan qol sayı da 11-ə çatdı.

Gözdən qaçmadı
* Oyunu izləyənlər arasında PFL-in Media və marketinq direktoru Sənan Abdullayev və yığmanın məşqçisi Rəşad Eyyubov da var idi.
* Martins qol vurub sevinmədi, “Xəmsə” onun həm qolunu, həm də meydandan çıxmasını ayaqüstə alqışladı.
* Gəncəli azarkeşlər “Erkin, çıx üzə, “Kəpəz” dağılır”, “Erkin, hardasan, harda itib-batmısan?”, “Erkin istefa, Adil istefa” kimi şüarlar səsləndirdi.

MÜZƏFFƏR QULUZADƏ