“Artıq hazırlıqlarımız başlayıb. Amma əsas komanda ilə birgə hazırlıq keçməyi düşünmürəm. Bu gündəmdə deyil. Əslində bu dolayı yolla baş verir. Hər həftə Qurban müəllim 10 nəfərə yaxın - bəzən beş, bəzən üç nəfəri məşqə çağırır. Bu şəkildə hər həftə hazırlıq olur. Yeniyetmələr Liqası ilə bağlı komandamız yığışıb. Amma milli fasilə var. U-19 komandamızdan beş nəfər milliyə çağrılıb. Bu da hazırlığımıza təsir edə bilər. Çünki tam komanda ilə hazırlaşa bilməyəcəyik. Bir neçə əcnəbi futbolçunu da komandaya cəlb etmək istəyirik. UEFA-nın qaydalarına görə komanda heyətə 6 legioner cəlb edə bilər. Tam komanda şəklində birinci oyuna hazır olmaq çətin olacaq. Amma buna çalışacağıq”.